Sistema operadivo

Da Wikipedia, l'ençiclopedia libara.
Jump to navigation Jump to search
Exquisite-kfind.png Par saverghene de pì, varda ła pajina sistema operadivo par tełefonin.
Microsoft Windows 10


On sistema operadivo (scursà in SO), in informadega, l'è on software de sistema, dito anca piataforma operadiva (fato norma da pì sotosistemi o componenti software: kernel, scheduler, file system, jestore de ła memoria, intermuxo uxuario e spooler de stampa), che jestise le risorse hardware e software de la machina, dando i servisi de baxe ai software aplicadivi.

Storia[canbia | canbia el còdaxe]

La storia dei sistemi operadivi la corisponde caxi par tuto al periodo de evolusion dei calcoladori eletroneghi e, pì in xenerale, de la storia dell'informadega n'tel periodo intrà el 1945 e el 1955 i elaboradori eletroneghi i jera vere e proprie camare piene de valvole termoioneghe, i jera lentisimi e talmente costoxi che i se i poeva permetare solo i grandi çentri de calcolo o Università o organixasion co tanti finansiadori. A partir dai ani 1960 co la cresita dei primi mainframe xé vegnesto neçesario software che i consentise l'intermuxo dei uxuari co ste machine, l'evolusion la se ga dato na cełerada partendo co i ani 1970, soratuto co xé rivai i primi home computer e dei personal computer.

Descrision[canbia | canbia el còdaxe]

L'hardware xé el primo livel de on elaboradore eletronego. Sto cuà parla co el sistema operativo e st'ultimo a so volta parla co le aplicasion che a la fin le interajise co i uxuari finali.
Schema a blochi de execusion de on'aplicasion fin a l'hardware pasando par el sistema operadivo

On sistema operadivo l'è on insieme de software chel dà a l'uxuario na serie de comandi e servisi par doparar al mejo la potensa de calcolo de on calsiasi dispoxitivo intelijente, spasiando dal pì ceo dei rełoji al pì grando intrà i mainframe. I sistemi operadivi i sconde tuti i particolari tecnisi ligai al speçifego hardware e architetura raprexentando le informasion a on alto livel, che se pol capir mejo da l'omo.

Sto cuà el garantise l'operadività de baxe de on calcoladore, coordinando e jestendo le risorse hardware de proçesamento (procesore) e memorixasion (memoria primaria), le perifereghe, le risorse/atività software (proçesi) e faxendo da Intermuxo co l'uxuario, che sensa de sto cuà no saria posibile doparar el computer co programi/software speçifeghi, come aplicasion o librarie software.

El xé donca on conponente imancabile de sistema de elaborasion, chel serve da intermuxo tra l'uxuario e la machina e in pì el xé na baxe andove se ghe poxa altri software, che donca i garà da esar projetai e inplementai in modo da esare riconosui e suportai da cuel particolar sistema operadivo. Col proçesore, che l'è caxi ligà streto, el fa parte de la cusita dita piataforma del sistema de elaborasion.

In jeneral. on sistema operadivo el pole esar:

  • monoutente, se solo on uxuario par olta el pole ndar drento a le risorse del elaborador;
  • multiuxuario, se pì uxuari i pole ndar drento a le risorse de l'elaborador. A so olta el pole esar:
    • seriale, de secuensa uno par olta;
    • parałeło, çasgùn parałełamente a chei altri;
  • monotasking, se l'è bon de far solo un conpito o task (proçeso) a la 'olta:
  • multitasking o multithreading, se l'è bon de far pì conpiti o sotoconpiti paralelamente traerso na çerta pulitega de scheduling (par exenpio. timesharing).
  • portabiłe o no so difarenti architeture hardware de proçesori.

Lista de sistemi operadivi[canbia | canbia el còdaxe]

Controło de autoritàLCCN (ENsh85094982 · GND (DE4006216-8 · BNF (FRcb119333481 (data) · NDL (ENJA00865121