Hardware

Da Wikipedia, l'ençiclopedia libara.


Vizion de ła parte hardware de un computer

Col tèrmene hardware, in inzenjerìa ełetrònega e informàtega, A se ìndega ła parte fìzega de un computer, overo tute chełe parte ełetròneghe, ełètreghe, mecàneghe, manjèteghe, òteghe che łe ghe parmete de funsionar.

Scheda mare[canbia | canbia el còdaxe]

Ła scheda mare ła ze el conponente prinsipałe de un PC. Ła só grandesa ła varia a seconda del tipo de scheda. Ła ze dotà de sircùiti integrài che i ga ła funsion de cołegar intrà de łori i conponenti del sistema. Sora de ła scheda mare A ze posìbiłe trovar el procesor, ła memoria RAM, l'insenbre de unità de memoria ROM che łe contien el BIOS, łe schede gràfeghe e de rete.

Memoria secondaria[canbia | canbia el còdaxe]

Ła memoria secondaria o memoria de masa ła ze l'insenbre de suporti che’l ghe parmete a i dati e a łe informasion de seitar a restar inte el sistema anca dopo el dezmorsamento del computer:

  • dischi rìjidi
  • nastri manjèteghi
  • floppy disk
  • dischi òteghi
  • penete USB

Floppy disk, dischi òteghi e penete USB i pol èsar defenìi suporti removìbiłi, overo unità de memoria mìa stretamente łigàe a ła màchina.

Dispozidivi de ingreso e de sortìa[canbia | canbia el còdaxe]

Perefèreghe de ingreso[canbia | canbia el còdaxe]

I dispozidivi de ingreso i parmete de resévar dati da l'esterno; i prinsipałi i ze:

  • Tastiera
  • Dispozidivi de pontamento
  • Scanerizador de imàjine
  • Màchina fotogràfega
  • Micròfono

Perefèreghe de sortìa[canbia | canbia el còdaxe]

I dispozidivi de sortìa, invese, i ze chełi dispozidivi che i fornise el rezultado de na ełaborasion converténdoło in testo, gràfega o àudio, cofà el monitor, ła stanpadora o łe case àudio.

Varda anca[canbia | canbia el còdaxe]


Controło de autoritàLCCN (ENsh85029505 · GND (DE4023422-8
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Hardware&oldid=1111585"