Varda el testo de Sisma d'Osidente

{{Infobox de Avegnimento}}
Co '''Sisma de Osidente''' se intende ła crize de l'autorità papałe che par cuazi cuarant'ani, dal 1378 al 1418, ła ghea ledesto ła [[Ceza catòłega|Ceza osidentałe]] su ła onda del scontro intrà [[Papa|papi]] e [[Antipapa|antipapi]] par el controło del sojo pontefiso, dividindo l'Eoropa cristiana in du corenti rivałi.

La crize ła ghea vesto orìzene inte un contesto de crize e trasformasion de l'antigo [[feudałèzemo|sistema feudałe]] che no el respondeva pì a łe ezijense de na socetà in ràpido canbiamento. La Ceza romana ła gaveva da tenpo perdesto el so roło culturałe e sociałe che el ła gaveva contradistinta inte i sècołi prima e che ła gaveva rendesta indispensàbiłe par l'ezercìsio del podere. Sul pian pułìtego el conflito intrà el [[re de Fransa]] [[Fiłipo IV de Fransa|Fiłipo el Beło]] e [[papa Bonifaso VIII]], contraponesti inte el tentativo de afermarse cofà poderi asołuti, el zera desbocà inte łe lote intrà [[Guelfi e Ghibełini]].

Ste tension cuà e confliti łe ghea portà, inte el 1309, i papi a [[catività avignoneze|insediarse a Avignon]]. Ghe ga vołesto 70 ani prima che [[papa Gregòrio XI]] el tornase Roma; el so sucesore, [[Urban VI]], ełezesto al [[conclave del 1378]] no el zera sta vedesto de bon òcio dai cardenałi fransezi che, pensando iłezìtema ła so nòmena, dopo sìncue mezi i ghea ełezesto un [[antipapa]], [[antipapa Clemente VII|Clemente VII]], dando scumìsio al sisma co du contenporànee sucesion pontifise. L'intiera cristianità ła se ghea dividesto su łe du ubidiense, chi che el ubidiva al papa de Roma, chi al papa de [[Avignon]] (Clemente VIIel  gaveva trasferio là ła so sede). Numarévułi i zera stai i tentativi de recuzir el sbrego intrà łe do parte: un [[concìlio de Piza]], indizesto inte el 1409, co l'intension de deponer i du papi antagonisti e ełèzarghene uno novo, [[Antipapa Lisandro V|Lisandro V]], el ghea pezorà ła situasion. El sisma el ze sta reconponesto solché inte el 1417 co che, de sevente del [[concìlio de Costansa]], ła cristianità ła se gavea catà unia soto de ła guida de un sìnguło papa: [[papa Martin V|Martin V]].

Sibè che el concìlio de Costansa no el gavese negà l'autorità papałe, sta cuà ła ghene zera ndà fora profondamente indebołia. La teoria del conciliarismo ła se ghea afermà in dispeto de l'asołutismo pontifiso che el zera emerzesto inte ła [[reforma del XI sècoło]] a l'època de papi autoritari cofà [[papa Gregòrio VII|Gregòrio VII]].
<!-- Sesion de pie voze, NO ZONTAR GNENTE ALTRO! -->
== Notasion ==
{{Notasion}}

==Altri projeti==
{{Interprojeto}}

== Linganbi foresti ==
{{Linganbi foresti}}


{{Controło de autorità}}
<!--  
Scrìvar cuà, dopo de ła freceta łe categorie -->

[[Categoria:Istoria del cristianèxemo]]
[[Categoria:Pàjine che łe dòpara proprietà miga ezistenti]]
[[Categoria:Pàjine co erori inte łe mape]]