Siłicio
El siłízïo ze 'l elemento chímego deła tabuła periodega dełi elementi che el gà come sinboło Si con vałentsa 26, e el gà come númaro atomego 14. Ze un semimetało e un semicondutor. El ze meno reativo de 'l sóo anałogo chímego, el carbònïo, ze el segondo ełemento per abondantsa neła crosta terestre dopo 'l osígheno, conponendo ne el 27,72% de 'l peso. Se trova in ardziła, feldispado, granido e cuartso, printsipalmente in forma de diòsido de siłízïo, siłicadi e ałuminosiłicati (conposti contenenti siłizïo, osígheno e metałi). El siłizïo ze el conponente printsipałe de véro, tsemento, tseramega e siłicon.
Istoria[canbia | canbia el còdaxe]
El siłízïo (da 'l latin silex, silicis che signífega seltse) el vien identifegado per ła prima volta da Antoine Lavuazier ne 'l 1787, e el vien sutsesivamente scanbia'o par un conposto da Humfrj Davji ne 'l 1800. Ne 'l 1811 Gaj Lusac e Tsenarde probabilmente łi gà preparà de 'l siłízïo amòrfo inpuro atraverso el rescaldamento de potàsïo con tetraflüoruro de siłízïo. Ne 'l 1824 Berzèlius gà preparà de 'l silízïo amorfo uzando tsirca ło steso medodo de Lusac. Berzèlius inoltre purifegò el prodoto atraverso sutsesivi lavadzi.
Caraterísteghe[canbia | canbia el còdaxe]
Neła soa forma cristałina, el siłízïo gà un cołore gridzo e na lutsentetsa metałega, ma el sóo cołore el pò variar. Anche se' ze un elemento relativamente inerte, readzise cołi alogheni e 'i alcałi diłuí, ma la madzior parte dełi àtsidi (trane 'l àtsido flüoridego) no ło intaca.
El siłízïo trasmete pí del 95% de tute łe longhetse d'onda deła lutse infraroseta.
El siłízïo el ze ała baze de tuti łi siłicati, minerałi formadi da silízïo e osígheno pí altri ełementi en forma jònega. Łi siłicati łi ze contenúi ne łi magmi e, per ła strutura tetraèdrega de ła sílize, el magma el deventa pî viscoso, e capatse de tratener madzori cuantità de gas. En baze a 'l contenúo de sílize se determina l'atsididà de un magma e dełe rotse da 'l cuałe vien. Se' ze poco prezente el magma se ciamarà bàsego.
Desponebiłidà[canbia | canbia el còdaxe]
El silízïo ze el printsipałe conponente dełi aerolidi, che łi ze na clase de medeoroidi e deła tectite, che ła ze na forma nadurałe de véro.
Calcołando en baze al peso, el silízïo el compone el 27,7% deła crosta terestre e dopo 'l osígheno ze el segondo ełemento pí abondante. El silízïo ełementare no se trova en nadura, apare in dzenere come òsido (amedista, àgada, cuartso, rotse cristałine, seltse, diaspro, opałe) e siłicadi (granido, amianto, feldespado, ardziła, orneblenda, míga e tanti incora).
Izòtobi[canbia | canbia el còdaxe]
El siłízïo el gà nove izòtobi, con un númaro de masa che el varia tra 25 e 33.
El 28Si ('l izòtobo pí abondante, con el 92,23%), el 29Si (4,67%) e el 30Si (3,1%): łi ze stàbiłi. El 32Si el ze un izòtobo radio-ativo prodoto dała spałatsion nuclear de 'l àrgon.
Ła sóo emivida, dopo un longo debatido, el ze stà dederminà en tsirca 276 àni, e decade per emision beda en 32P (che el gà emivida de 14,28 àni) e cuindi en 32S.