Sebastiano Mocenigo

Sebastiano Mocenigo

Biografia
Nasimènto	29 de agosto del 1662 Venèsia (Itàlia)
Mòrte	21 de majo del 1732 (69 ani) Venèsia (Itàlia)
Liogo de sepełimento	Baxéłega de San Zanipoło
112o Doxe
24 de agosto del 1722 – 21 de majo del 1732 ← Giovanni II Cornaro – Carlo Ruzzini →
Atività
Laóro	miłitare
Fameja
Fameja	Mocenigo (it)

Alvise III Sebastiano Mocenigo (Venesia, 29 de agosto 1662 – Venesia, 21 de majo 1732) xe stà un [[doxe |doxe]] [[Republica de Venesia |venesian]].

El zera fioło de Alvise e de Cecilia Michiel. El xe sta el sentododexexemo doxe de ła Republica de Venesia dal 24 de agosto 1722 a ła morte. Abiłe ufisial de marina, el se ga distinto pì volte par el vałor dimostrà in bataja.

Vita

Sin da xovane Alvise Mocenigo, el terzo co sto nome a diventar doxe, el xe entrà inte ła marina miłitar venesiana. Da xovane el xe sta on ofisial al seguito del famoso Francesco Morosini e el ga partesipà co łu a ła canpagna mediteranea del 1684 - 1690 e po' a queła del 1693 - 1694. Dopo la morte del famoxo doxe el se ga dimostrà uno dei pochi comandanti venesiani abiłi e, anca se no el xe riusìo a evitar alcune sconfite durante l'ultima guera contro i turchi, durante el quadrienio 1714 - 1718, el xe restà comunque rispetà e amirà inte i anbienti miłitari. Inte i ani sucesivi el xe sta uno dei protagonisti de ła Pace de Passarowitz, tanto che ła łinea de confin tra Turchia e Venesia in Dalmasia stabiłìa inte el 1721 ła xe ciamà proprio Łinea Mocenigo.

Dogado

Ełeto doxe el 24 de agosto 1722, el ga continuà ła połitega de neutrałità de Venesia. Durante el XVIII secoło ła repùblega venesiana ormai el zera in forte declino e quindi i se zera rexi conto che l'unica posibiłità che el gaveva par sopravivare a łe grandi guere de chel secoło ła zera queła de invocar senpre ła neutrałità; Alvise Mocenigo, omo d'armi che ben el saveva ło stato mediocre de l'exercito venesian, el xe sta on strenuo propugnador de sta vixion połitega. Durante el so pacifico dogado a se ga sercà dei por rimedio, co dificoltà, a ła diłagante corusion statałe e a rivitałisare l'ormai exausta economia nasional. El xe morto el 21 de majo 1732.