Scuro

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat
Na fenestra co an scuro in Polonia

Al scuro al è an seramento che al à la funžion de no assar passar la luce par na superficie finestrada.

I scuri i è fati quasi senpre de legn e i gnen inmobilizadi tra de lori, co i è seradi, tramite an cadenaž. I à la funžion de no assar passar la luce, de parar al telarin de la finestra da la pjoa, de render la finestra pì fadigosa da scassinar e de reduser la trasmission de 'l calor de not.

I scuri i pol esser pjeni e no assar passar gnint de luce, ma te le cità tante olte se ghen catqa de quei "a la venežiana", cioè co na part de la so superficie ocupada da doghe che le pol girar dintorn in modo da regolar quanta luce che se ol assar passar.

Da 'l punto de vista de la manovra ghe n'è de 3 titpi:

  • Quei soliti i laora in copia e i è incernjeradi 'te 'l mur tramite do bartanele. Co i è verti, parchè no i se sbate, i gnen ancoradi a 'l mur co fermi aposta, e co i è seradi i gnen fissadi tra de lori co na inmastciadura e co 'n cadenaž.
  • Qualche olta, 'te le finestre grande, se cata quatro scuri. Sti qua i è ligadi a doi a doi da bartanele, in modo che co se i verž se pode farli sù a "fisarmonica" in modo che i ciape poch posto. i gnen cenesti verti co 'n fer che al taja deslonch tuta la finestra, e co se i sera se i spranga co 'l stesso fer.
  • Caso raro assei al è quel de catar scuri a sconparsa. Se i vet te na qualche casa o castel beluness che al risale a prim de la anession a la Republica de Venežia. Se trata de scuri de legn massicio che i gnen fati scorer a destra e a sinistra te na sede aposta, e che co i è verti i resta incassadi 'te 'l mur.

Varda anca[canbia | canbia el còdexe]

Altri progeti[canbia | canbia el còdexe]

  • Collabora a Commons Su Commons ghe xe dei file multimediałi su Scuro