Santa Maria Navarrese

Da Wikipedia, l'ençiclopedia libara.
Jump to navigation Jump to search
Santa Maria Navarexe
(SC) Santa Maria Navarrese
frasion
Dati aministrativi
Stato bandiera Itałia
Rejon Sardegna – stema Sardegna
Provincia Noro – stema Noro
Comun Baunei
Presidente dal
Teritorio
Coordinae 39°59′24″N 9°41′08″E / 39.99, 9.685555Coordinate: 39°59′24″N 9°41′08″E / 39.99, 9.685555
Altitudine 9 m s.l.m.
Abitanti [1] (2001)
Altre informasion
Còd. postałe 08040
Prefiso 0782
Fuxo orario UTC+1
Patrono santa Maria Asunta
Dì de festa 15 de agosto
Locałixasion
Mapa de locałixasion: Itałia
Santa Maria Navarexe
Santa Maria Navarexe
Mapa de locałixasion: Itałia
Santa Maria Navarexe
Santa Maria Navarexe
[[File:|260x250px|Santa Maria Navarexe – Mapa]]


Santa Maria Navarrese l'è ła frasion sul mar del comun de Baunei, provincia de l'Noro, in Sardégna. Insieme co ła frasion pi picenina Tancau che ła xe sóto el comun de Lotzorai łe fa praticamente un paexoto soło, famóxo come posto turìstico. Ła se cata groso modo a 8,8 km da Baunei e a 4,2 km da Lotzorai. Da Santa Maria se véde ben el porto de Arbatax dove che riva łe grose nave da Gènova o Roma.

Sul mar davanti Santa Maria ghe xe un grupo de ixołoti conosui in itałian col nome de Isolotto d'Ogliastra e in sardo come S'Isolotto.

Santa Maria ła ga anca un porto picenin doparà, pi che sia, durante l'istà par barche e barcuni turìstici che i va e i vien par łe cale pi conosue de ła Sardegna come Cala Goloritzè, Cala Luna, Is pùligi de nie (Cala Mariolu) e Cala Sisine.

El Nome[canbia | canbia el còdexe]

Drio ła tradision, el nome de Santa Maria Navarrese el vien da na principesa de Navara che 'ntel 1052, durante un viajo in mar l'era stà ciapà da na tenpesta e ła s'avéa fermà su ła costa sarda; come ringrasiaménto l'avéa fato tirar sù na Céxa.

In piaza a Santa Maria gh'è efetivamente na Céxa del XI sècoło, modificà 'ntei ani '50.


Storia[canbia | canbia el còdexe]

A Santa Maria ghe xe anca na tóre come tante altre sparse łóngo łe coste de ła Sardegna, dita Tóre Saracéna: l'è stà tirà sù fra el 1600-1700 sóra un posto de guardia del 1500 che 'l faxéa parte del sistema de guardia méso in pie dai Re de Spagna che in qûel ténpo i governava ła Sardegna.

Ła Céxa fata 'ntel XI sècoło ła ga tut'intorno dei olivari miłenari spontànei e rente ghe xe anca un vecio póso. Łe descoverte archeołògiche fate intorno Santa Maria łe próva l'existensa de popołasion za dal perìodo nuràgico ma in realtà, par sècołi ghe ga vivesto ben póche faméje. Dal 1960 ga tacà trasferirse zente, prima turisticamente e po in modo fiso, soratuto da Baunei e deso Santa Maria l'è un paexoto abità tuto l'ano siben che d'istà el turismo el tire sù ła popołasion.


Economìa[canbia | canbia el còdexe]

L'economia l'è łigà pi che sia al turismo estivo traverso càmping, hotel e apartaminti dài in afito.

Note[canbia | canbia el còdexe]

  1. Risultati 14º Censimento xeneral de ła popołasion e de łe abitasion ISTAT In Istat.it. Lingambo vardà el 18 agosto 2012.