Sacramento Kings

Da Wikipedia, l'ençiclopedia libara.
Jump to navigation Jump to search
Variansa
Sto artìcoło el 'é scrito doparando ła grafìa dita DECA
Variansa
Sta pajina xè da wikifegare
Sta pajina o sesion de spor no ła xè gnancora formatà secondo i standard
Contribuisi a mijorarla seguendo łe convension de Wikipedia
Sta pajina xè da wikifegare
Sacramento kings logo.png

I Sacramento Kings i ze una de łe trenta scuadre de basket che łe zoga inte ła NBA, fondada inte’l 1948 a l’inisio a Rochester co’l nome de “Seagrams” (dopo “Royals”, dopo oncora “Kings”), e co ła sede che infra i ani ła se ga spostà inte deverse parte de i Stati Unìi.

Storia de ła scuadra[canbia | canbia el còdexe]

Inte’l 1951 i Royals i ga vinto el tìtoło de ła NBA ma A no ze rivà i schei che i sperava, e łora pian pian i ze ndài in crizi tanto da doverse spostar de sità, a Cincinnati. Cuà A ze rivà Oscar Robertson, pasà a ła storia par èsar el primo zogador in tuta ła storia de ła NBA a fenir na stajon co ła tripla dopia de media (A vol dir, de sòłito, almanco 10 ponti, 10 renbalsi e 10 assist par partìa): na roba asé defìsiłe da far, tanto che sol che st’ano 2017 Russell Westbrook de i Oklahoma City Thunder el ghe ze riusìo.

Inte’l 1972 i se ga spostà a Kansas City canbiando nome in “Kings”, e dopo poco i se ga spostà da novo a Omaha; inte’l 1985 A ghe ze stà n'altro spostamento a Sacramento, staolta par senpre, che pian pian el ga fato tornar rezultadi boni. A ze anca rivà forti zogadori come Chris Webber, Vlade Divac e Predrag “Peja” Stojakovic che, co Doug Christie, i ga formà par un pochi de ani na scuadra beła da védar in canpo.

Da’l 2003 e co l’infortunio de Webber A ze inisià el łento cało de i Kings, durà fin a’l 2009 co A ze rivà el zóvane Tyreke Evans e DeMarcus Cousins, che anca se i jera forti no i ze mai stài boni de portar vitorie inportanti.