Roxario

Na corana pa dire el roxario

El rosario (dal łatin rosārium, "roxaro") xè on sumàrio de misteri soranaturai de ła vita de Jexù e Maria. El consiste in te ła meditasion dei misteri conpagnà orasion e invocasion par mexo de na corana de graniti.

El pol esere recità privatamente o in comunità, anca in łatin.

Misteri, orasion e invocasion

I misteri

In prinsipio:

Ségno de ła Cróxe

I'nvocasion: O Dio vien salvarme. Signor vien presto jutarme.»,

Głoria ał Pare

Misteri xòjoxi (łuni e xobia)

1) Ł'anunsio de ł'arcanxeło Gabriełe a Maria Verxene

Esenpio: in tel primo mistero xòjoxo se contenpła ł'anunsio de ł'arcanxeło Gabriełe a Maria Verxene, se dixe on Pare nostro e diexe Ave Maria. Finio łe Ave Maria se dixe on Głoria ał Pare e ł'invocasion Jexù mio pardona łe nostre colpe, protegeme dal fogo de ł'inferno, porta in ciel tute łe aneme spesialmente łe pì bisognose de ła Vostra mixericòrdia. E cosita pa ogni mistero. Ała fine, prima de recitare łe łitanie, se dixe na Salve Regina.

2) Ła visita de Maria a Santa Beta

3) Ła nàsita de Jexù a Betleme

4) Ła prexentasion de Jexù al Tenpio

5) El sparimento e retrovamento de Jexù al Tenpio

Misteri dołuruxi (marti e venere)

1) Jexù in angonìa in te ł'orto de ołivi

2) Jexù fłagełà a ła cołona

3) Jexù incoronà de spini

4) Jexù carga ła croxe e va in tel calvario

5) Jexù more in croxe

Misteri głoriuxi (mercołi sabo e domenega)

1) Jexù risorxe dała morte

2) Jexù asciende al ceło

3) El Spirito Santo ven xò so Maria Verxene e i Apòstołi riunii in tel Senacoło

4) Maria asunta in ceło

5) Maria incronà Rexìna del ceło e de ła tera e ła Głoria dei Anxełi e Santi

Finio dire i misteri se pol xontarghe łe łitanie łauretane dedicà a Maria Verxene.

Bibliografia

(IT) Alfonso M. De Liguori, Massime Eterne, Cangini - Filippi & Figli, 1941.