Roland Ratzenberger

Da Wikipedia, l'ençiclopedia libara.
Roland Ratzenberger
Ratzenberger.jpg
Flag of Austria.svg Àustria
Cariera in Formula 1
Stagioni 1994
Scuderie Simtek
Risultato mejo 11° (1994)
GP disputà 3
GP vinti 0
Pole-position 0

Statistiche

Sircuiti | Fornitori | Gran Premi | Persone | Piloti | Scuderie | Stagioni | Machine

Tute łe voxe su ła Formula 1

Roland Ratzenberger (Salisburgo, 4 de lujo 1960Imola, 30 de avril 1994) l'è stà on piloa de Formula 1 che el corse inte ła scuderia Simtek. La so cariera 'ntele corse la fu stroncada da on s-cianto mentre el stava fasendo le qualifeghe del Gran premio de San Marin, inte el 30 de avril 1994.

Le categorie minori[canbia | canbia el còdaxe]

Roland Ratzenberger el xe nao a Salisburgo (Austria), inte el 1960 e sin da quando l'era on butin x'è dà ale gare automobilisteghe; el ga corso en Xermania tra el 1983 e 1985, rivando anca a inportanti vitorie. Susesivamente el ga scominsià a corer anca en Gran Bretagna, dove ala fin el ghe riusio de entrar inte el prestigioso Brands Hatch Formula Ford Festival, rivando seondo inte el 1985 e prim l'ano dopo. El sucesivo paso l'è stà el pasagio inte ła F3 englese, dove el ga fato ben sensa impresionar le grandi case dela F1.

Inte el 1987 el partexepa anca ala prestigiosa 24 ore de Le Mans drio a guidar na Porche 962, guidaa co Maurizio Sandro Sala and Walter Lechner, ma el ga avù da ritirarse dopo la ters'ora. El ga corso altre quatro olte a Le Mans, inte i ani dal 1990 al 1993 e proprio inte el oltemo ano, su Toyota 93-CV, el ghe riusio de rivar quinto, suo meior resultado de senpre.

Inte i ani '90, Ratzenberger x'è andà a corer inte el canpionato automobilistego giaponese, e inte el 1990 e 1991 el ghe riusio a vinser alcone gare. Inte el 1992 ghè stà el ritorno inte ła F3, ma la andò peso del altra olta e rivo setemo inte el 1992 e ondesesemo inte el 1993.

Formula 1[canbia | canbia el còdaxe]

Inte el 1994 ala fin se realisa el sogno: la scuderia Simtek ghe diee la posibiletà de corer inte ła F1. Roland ga disputà el so primo Gran Premio a Interlagos inte el Brasile, doe parò nol ghe mia riusio de qualifegarse. Susesivamente corse en Giapon ('ntel [[Gran premio del Paifico, che se tegnea sul sircuito de TI Aida) dove, grasie anca ale so vecie esperiense, el ghe riusio de rivar ondesesemo ala fin dela gara.

L'insidente mortal[canbia | canbia el còdaxe]

Roland Ratzenberger, 'ntele qualifeghe del Gran premio de San Marin, a Imola, inte ła seonda zornada de proe, sàbo 30 de avril 1994, se ze s-ciantà a 300 km/h contro na mureta de protesion dopo esar sbandà inte ła curva entiolaa a Gilles Villeneuve. La fortisema decelerasion e el fortisemo inpato ei ga ridoto el piloa en fin de vita. L'inutile corsa a l'ospedal ghè servìa solo par acertarne la morte.

Seondo la ricostrusion piassè acreditata el senbra che la vetura, durante el siro de lancio, la gh'avese avuo on picolo urto col muso contro on cordolo dal profil rialzà e quest'ultimo gh'avese riportò on sedemento strutural de l'ala anterior che nol era mia ravisabil fin al momento en cui l'aletone se spezò del tuto. El sorno dopo, durante el GP, on altro teribile insidente el ga causà la morte del canpion dela Williams, Ayrton Senna, anca lu s-ciantatose a forte velosità contro el muro dela curva del tamburelo.

Dopo i dramàteghi fati de Imola '94, el sindacao piloiel ga fato presion par rendar piassé seguro el sircuito.

Year Entrant Chassis Engine 1 2 3 4 5 6 7 8 9 10 11 12 13 14 15 16 WDC Points
1994 MTV Simtek Ford Simtek S941 Ford V8 BRA
DNQ
PAC
11
SMR
DNS
MON
ESP
CAN
FRA
GBR
GER
HUN
BEL
ITA
POR
EUR
JPN
AUS
33rd 0
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Roland_Ratzenberger&oldid=1036512"