Robert Badinter

Robert Badinter el 3 de febraro 2007 durante na manifestasion contro ła pena de morte a Parixe

Robert Badinter (Parixe, 30 de marso 1928 – Parixe, 9 de febraro 2024) el xe on avocato de fama e on omo połitego fransexe.

Menbro del partio soçiałista fransexe, el xe stà pì olte ministro de ła justisia e se xe senpre batùo par cavar ła pena de morte in Fransa.

Atività profesionałe

El apartiene a na fameja de comercianti israełiti. So pare e dei so parenti, deportà durante ł'ocupasion nasista de Parigi, i ga perso ła vita inte i canpi de sterminio. El se ga laureà in lege e el xe diventà subito avocato.

Contro ła pena de morte

Inte el 1975 el ga pronuncià davanti ała corte d'asise de Troyes na renga memorabiłe, inte el corso de ła cuałe el ga atacà ła pena de morte ałora in vigore in Fransa. El ga otegnù che l'inputato el fuse condanà a ł'ergastoło ansiché ała pena cavedal domandà dal publico ministero e da gran parte de ł'opinion publica. El xe sta el primo paso de na longa bataja finìa soło inte el 1981.

Ministro de ła giustisia de Mitterrand

Ałe elesion presidensiałi del 1974 e del 1981 el ga sostegnù ła candidatura del sociałista François Mitterrand, ełeto el 10 de majo 1981 e el 23 de zugno Badinter el xe sta nominà vardasigiłi, ministro de ła giustisia inte el secondo governo de Pierre Mauroy.

Ł'Abołision de ła pena de morte e ła riforma del codice penałe

'Pena insedià, el ga presentà a ł'Assemblée Nationale on disegno de lege che el prevedeva ł'abołision de ła pena cavedal, lege aprovà el 18 de otobre 1981, mandando definitivamente in pension ła ghigliotina.

Presidente del Consejo costitusionałe

El xe sta confermà ministro de ła giustisia inte el governo de Laurent Fabius inte el 1984. El se ga dimeso el 18 de febraro 1986, on mexe prima de łe ełesion legislative, parché nominà da François Mitterrand presidente del Consejo costitusionałe. El xe restà in carica fin ała scadensa del so mandato inte el marso 1995.

Senador e vice presidente de ła Convension eoropea

Ełeto senadore par el Partio sociałista el 24 de marso 1995, el xe riełeto al Senato inte el 2004 par on mandato de siè ani. El xe vice presidente de ła Convension Europea dal 2003 al 2005. El xe considerà una de łe personałità pì autorévułi del mondo połitego e intełetuałe fransexe.