Rifugio Fonda Savio
El Rifugio Fonda Savio (Rifugio Fratelli Fonda Savio) el xe in provinça de Bełun, sui Cadini de Misurina, ai 2359 metri del Paso dei Toci, in alta Val d'Ansiei. El xe intitołà ai tre fioi, Piero,Paolo e Sergio, morti 'nteła seconda guera mondiałe, de ła medaja de oro Antonio Fonda Savio, cao partixan deł'insuresion de Trieste contro i naxisti el 30 apriłe 1945, genero, trałaltro, de Italo Svevo. Proprietà del C.A.I. de ła sesion XXX otobre de Trieste, el ga 18 posti leto, pi 25 sułe tołe, co 3 posti inte el łocałe invernałe. El xe verto da metà zugno a setenbre. Par rivarghe direti, se parte da ła strada ke mena su al Rifugio Auronzo, al Pian dei Spiriti (parkegio a 1830 m), ciapando suła destra el troso numero 115 e in un'ora e tre quarti se riva in sima.
Trosi dal rifugio[canbia | canbia el còdaxe]
- via ferata "Alberto Bonacossa" al Rifugio Auronzo ore 3.30
- al Rifugio Col de Varda ore 2 troxo 117
- al Rifugio città di Carpi ore 1.30 troxo 116
- giro dei Cadini ore 3.30 troxo G. Durissini 112