Ricky Bizzarro

Da Wikipedia, l'ençiclopedia libara.
Jump to navigation Jump to search

Riccardo Bizzarro, dit Ricky (Trevixo, 30 de setènbre 1962), xe un muxicista vèneto.

Ricky Bizzarro
Riccardo Bizzarro
Riccardo Bizzarro
Informasion xenerałi
Nòme vero Riccardo Bizzarro
Nasùo/a 30 de setenbre 1962, Trevixo
Xenere muxicałe
Eticheta discografega
Atività prinsipałe cantante strumentista
Altre atività scritor

La so ativiità prinsipàe xe quea de far el musicista, oltre che deejay, el xe stà soratuto fondador dei Radiofiera, storica rock band trevixana, co la qual el gà tegnùo più de 500 concerti infra Italia, Fransa e Cuba. Co' la Southern Road Band el fa e cover de Lou Reed.

El gà na rubrica fisa so'un xornal 'fa La Tribuna de Trevixo e so'l mensiłe d'atuałità Treviso c'è e alcuni de sti tòchi xe stà rancurà 'ntel disenbre 2005 'ntel vołume Bizzarrie - Brevi dalla città. Lu ga un sguardo ironico e dolseamaro su la vita dea so cità amà e odià.

El xe stà protagonista del dibatito cultural çitadin; ne l'istà del 2004 el xe stà al çentro de un episodio curioxo e paradosal : co'l sindico Giancarlo Gentilini gaveva invadesto la çità co le so decixion controverse, Ricky xe stà denonsià dal comandante dea połisia munisipal Salmaso par averghe dito un presunto "Bau Bau" de batareła.

Dal 2006 Ricky s'a simentà anca a far anca el pentor. El resultado xe Facce da Rock, na mostra su teła de na trentina de ritrati reałixài prinsipalmente co' cołori acrilici e co' tecniche diverse. I cuadri raprexenta i artisti che Ricky più ama (Johnny Cash, Bob Dylan, Bruce Springsteen, Joe Strummer e tanti altri). La mostra gà debutà a Montebełuna e l'inaugurasion xe stà tegnùa da Massimo Bubola.

'Ntel 2007 Ricky mete in sena co' l' ator Mirko Artuso, Ballata di un Sacrocuore, un spetacoło conposto de reading łeterari, monołoghi orixinałi e canson, pescàe 'nteła memoria e 'ntel prexente dei do artisti.

'Ntel 2008 el taca a cołaborare co' Marco Ballestracci, armonicista de Castelfranco Veneto, col qual el propone un spetacoło de canson (sue e cover) rifate in ciave blues. Durante quel'ano Ricky xe stà anca l'animator de Treviso Manifesta, manifestasion de piassa itinerante (comunque a l'interno dee mura dea sità) e'l cui palco gà ospità artisti trevixani come anca el dexegnadόr satirico Beppe Mora.

Le atività de Bizzarro xe tante e in continua evołusion. Forse no łe gà un fiło łogico, magari parché Bizzarro xe, come che dise łu, "un saltron de tałento".

Voxe łigàe[canbia | canbia el còdexe]

  • Radiofiera
  • La Tribuna di Treviso
  • Treviso

Łigamenti foresti[canbia | canbia el còdexe]

  • Le Bizzarrie sulla Tribuna di Treviso