Reeperbahn

Da Wikipedia, l'ençiclopedia libara.
Va a: navigasion, serca
Sto articoło el xe scrito in vixentin
Anburgo: ła Reeperbahn
Un sexy shop neła Reeperbahn

Ła Reeperbahn (pron.: /'re:pɐ:Rba:n/) ła xe 'na famosa via a luci rosse de Anburgo, in Germania, situà nel quartiere de St. Pauli, nel distreto (Bezirk) de Hamburg-Mitte.

Ła via se ga sviłupà a partire dai ani sesanta del XX secoło come luogo de divertimento par i marinari che rivava nel porto de Anburgo.[1]

Etimołogia[canbia | canbia el còdexe]

El nome "Reeperbahn" vołe dire ała letera "via dei cordai" e el fa riferimento a un tipo de corda par marinari che se fabricava neła zona e che in basso-tedesco vien ciamà reep.[1]

Ła via xe comunemente sopranominà "Kiez"[1], un termine che se riferisse comunumente a un quartiere de 'na grande sità[2], o anca "Die sündige Meile", overo "el miglio pecaminoso"[3].

Ubicaxion[canbia | canbia el còdexe]

Ła Reeperbahn se trova a nord dei St. Pauli-Landungsbrücken, i embarcarderi de St. Pauli e imediatamente a ovest deła Millerntorplatz e a sud-ovest de el Heiligengeistfeld, ła zona dove par 6 mesi l'ano ghe xe un luna park in ocasion del Hamburger Dom e dove che se trova anca el Millerntor-Stadion (ex- Wilhelm-Koch-Stadion), el stadio dove che xuga l'FC St. Pauli, ła seconda squadra de bałon deła sità.[4] Se trova di fronte ała Reeperbahn anca ła Spielbudenplatz, ła piassa con el St. Pauli-Theater, e ła Hans-Albers-Platz, ła piassa dedicà a Hans Albers.[4]

Descrixion[canbia | canbia el còdexe]

Neła via, che ła xé longa 600 metri[4], no se trova soło sexy shop e locałi dove se fa ło spojareło, ma anca bar, discoteche e casinò.

Łe case de apuntamento no łe se trova lungo ła Reeperbahn, che xe ła via prinçipałe del quartiere a luci rosse de Anburgo, ma in 'na picoła via laterałe, la Herbertstraße, 'na via sorvejà dała połissia e che xe interdeta ałe done e ai omini soto i dixdoto ani.[5][6][7]
'Sto fato diferensia sostansialmente el quartiere a luci rosse de Anburgo dal quartiere a luci rosse da Amsterdam "De Wallen".

'N'altra famosa laterałe deła Reeperbahn xe ła Große Freiheit (leteralmente: "Grande libertà"), 'na via dove che se trova dei locałi de musica e dove che gaveva mosso i primi pasi, tra i altri, i Beatles (al nr. 36)[5] e Mino Reitano[8][9][10][11].

Note[canbia | canbia el còdexe]

  1. 1,0 1,1 1,2 cfr. Altrogge, Gudrun, Hamburg, ADAC Verlag, München, 2005, p. 70
  2. cfr. http://de.wiktionary.org/wiki/Kiez
  3. cfr. Reeperbahn.co.uk: General infos
  4. 4,0 4,1 4,2 cfr. Altrogge, Gudrun, p.72 Eror ne la funsion Cite Tag <ref> non valido; il nome "adac71" è stato definito più volte con contenuti diversi
  5. 5,0 5,1 cfr. Altrogge, Gudrun, p.75
  6. cfr. Reeperbahn - Sito uficiałe: Herbertstraße
  7. cfr.Garske, Kyra, Herbertstraße – Or forbidden zone for women , in: Spotted by Locals
  8. cfr. Biografie Online: Mino Reitano
  9. cfr. Anselmi, Eddy, Festival di Sanremo. Almanacco della Canzone Italiana, Panini, Modena, 2009, p. 867
  10. cfr. Reitano: " io cantavo con i Beatles ", in: Corriera della Sera , 11 de otobre 1992
  11. cfr. Reitano: «Due anni con i Beatles tra rock, würstel e dialetto calabrese», in: Corriera della Sera , 1 de majo 2007

Varda anca[canbia | canbia el còdexe]

Altri projeti[canbia | canbia el còdexe]

Commons

So Commons ghe xè de i file multimediałi so Reeperbahn

Cołegamenti esterni[canbia | canbia el còdexe]