RAM

Da Wikipedia, l'ençiclopedia libara.
Va a: navigasion, serca
Memorie RAM. Da l'alto: DIP, SIPP, SIMM (30 pin), SIMM (72 pin), DIMM (168 pin), DDR DIMM (184 pin)

RAM xe un tipo de memoria del computer, RAM sta pa i termini inglesi "Random Access Memory", che tradotto vol dire memoria a accesso casuàe, cioè qualsiasi dato che vièn sercà dal computer el vièn restituio dàea memoria in tempo costante, roba che invese no sucede nel caso, pa esempio, de na memoria a accesso sequensiàe, dove che se un dato xe distante dal punto de letura bisogna spetare pì tempo pa poderlo lexare (vedi e vèce cassete, che bisogna parare vànti e indrìo).

Sto fatto el permete àea memoria de èsare veòce in ogni circostansa (atualmente i tempi de risposta de 'na RAM xe intorno ai 10 nanosecondi se se tratta de 'na SRAM, 100 ns pa 'na DRAM ).

Oviamente se eà RAM ritorna i dati tuti più o meno in tel stesso tempo, vol dire che in qualche modo eà ga da tegnère traccia de eà posisiòn, o mejo, del'indirìso che identifica un dato, el che comporta che pa memorixare un dato serve pì spàsio del dato stesso. Questo rende l'architetura de sto genere de memoria tanto complicà, a livèo progetuàe e, a magior rajon, a livèo hardware. Date e carateristiche pena descrite, eà RAM se usa in tel computer pa tegnere disponibie eà magior parte dei dati che ghe serve al processore, pa esempio i programmi che xe drio usare l'utente.

Se no fusse cusì el processore dovarìa spetare i dati, e istrusiòn e tuto el resto dai dischi fissi, i quai ga un tempo de risposta che xe nell'ordine dei 10^7ns, tempi improponibii pa un processore, che ga atualmente na frequensa de clock che poe superare anca i 2 GHz.

SRAM[canbia | canbia sorxente]

Eà SRAM ("Static Random Access Memory") xe un tipo de RAM che vièn reaixà con 'na tecnologia pitòsto sofisticà el che comporta un costo abastansa alto.

Data eà so complessità xe difisie fare 'na SRAM tanto capiente, de sòito se riva al un massimo de 8 MByte, par contro eà xe tanto veòce e grasie ai so tempi de risposta eà vièn usà pa fare quèa che se ciàma memoria cache.

DRAM[canbia | canbia sorxente]

Co DRAM ("Dinamic Random Access Memory") se intende un tipo de memoria pì lenta ma pì capiente dèa SRAM dato che eà xe fata co 'na tecnologia pì economica.

A parità de silicio usà, eà xe pì capiente dea SRAM e questo xe uno dei motivi par cui eà costa manco. Quando che comunemente se se vòe riferire àea RAM de un computer se se riferise a questa, i ultimi computer poe montare RAM che supera i 4 GB.

Altri progeti[canbia | canbia sorxente]