Cuarto d'Altin

Cuarto d'Altin

Pozision
45°34′42.96″N 12°22′21.72″E45°34′42.96″N, 12°22′21.72″E (Cuarto d'Altin)
Stato	Itàłia
Rejon	Vèneto
Sità metropułitana	Sità metropułitana de Venèsia
Capitałe	Quarto d'Altino (it)
Popołasion
Totałe	8 019 (2023)
Densità	283,06 hab./km²
Zènaro	4 118 (%51,4)   (%49) 3 928
Demònemo	altinati ,
Zeografia
Àrea	28,33 km²
Altitùdene	4 m
Rente a	Cazałe sol Siłe   Muziłe Roncade   Mojan Marcon   Méoło   Venèsia
Dati istòreghi
Dì festivo	Festa patronałe(8 de novenbre)
Patrono	San Michièl Arcànxoło
Còdazi de identifegasion
Còdaze postałe	30020
Còdaze de matricołasion	VE
Fuzo oràrio	UTC+1 UTC+2
Clasifegasion climàtega	clima subtropegałe ùmido
Prefiso tełefònego	0422
ID ISTAT	027031
Còdaze catastałe de Itàlia	H117
Sito web	comune.quartodaltino.ve.it

San Micel del Quarto (IPA: /san mi't͡ʃɛl del 'ku̯arto/; o Quarto d'Altin, IPA: /'ku̯arto dal'tin/) el xe un comun italian de 8 004 àneme de la çità metropulitana de Veneçia in Veneto, in base a la leje rejonale n. 36 del 12 de agosto 1993.

Ziografìa fìsega

El teritorio el xe traversà dal trato finale del fiume Sile che el se biforca in corespondença de la fraçion de Portegrande: un ramo stracurto, che segue el corso orisinale, el xe colegà a la laguna vèneta par mezo de na ciusa (el xe el canal Silon) mentre el ramo prinçipale el va vanti par Jèsolo longo el canal scavà a l'epoca de la Serenìssima (el cussidito "Tajo del Sile"). Sta zona, afaçada a la laguna e un tenpo prevalentemente paltanosa, la xe stà bonifegada a partir dal XV sècolo, anca se le òpere pi radicai le se ga aveste tra el XIX e el XX sècolo.

Da recordar che el 70% de la superfiçie comunal la xe sotoponesta a vincolo, quindi el svilupo urbanìstego el xe stremamente controlà. Questo par la presença de alcuni siti de interesse anbientale, paesajìstego e stzrego: la zona archeolòzega de Altin, el Parco naturale rejonale del Fiume Sile, l'òasi naturalìstega de Trepalade e la Laguna Vèneta.

Istoria

Sito archeolòzego de Altin

Museo archeolòzego de Altin

La storia del comun la xe indissolubilmente ligada a la çità de Altin, antigo insediamento paleovèneto e drioman municipium roman. In epoca romana el teritorio de San Micel el jera traversà da n'inportante strada romana, la via Gallica.

Nodèvole porto comerçiale su le rive de la laguna, Altin la xe decadesta drioman a le distruçion dei barbari e al mudar de le condiçion anbientai, che le ga determenà l'inpaludamento de la zona. La popolaçion la se ga trasferida inte l'estuario fondando un primo enbrion de la futura Veneçia e altri inportanti insediamenti come Torçelo, Muran e Buran. Ciò che restava de Altin el ga servido come "priara" da cui trar materiale de recùpero, restançe de le antighe vestija.

Intel fratenpo, fursi in epoca longobarda, la se jera svilupà a la stremità oçidentale del teritorio un pìcolo cormelo datorno a na capela intitolada a San Micel Arcànziolo; la maniera de dir "del Quarto" (come in latin: Ad Quartum) la xe stà zontada in quanto el paese el distava quatro meji romani da l'antiga Altin. El vilajo el dependeva da la diòcesi de Torçelo fin dal 1177.

La zona orientale del teritorio la xe restada inpaludada fin al XV sècolo, quando la Serenìssima la ga scuminçià l'inponente òpera de bonìfega e ripopolamento, che se ga protrà fin a l'iniçio del Noveçento. La caduda de Veneçia (1797) la ga vedesto l'istituçion dei comuni de San Micel del Quarto e de Trepalade (st'ùltemo assorbido dal primo co l'istituçion del regno Lonbardo-Vèneto).

Tra l'Oto e il Noveçento el çentro vitale del comun el s'ha spostà pi a est, dove che el se cata tutora. Sta zona qua la jera un mucio popolada graçie a le bonìfeghe, ma el svilupo urban el xe stà favorido dal passajo de la ferovia Veneçia-Trieste e da la costruçion del ponte sul Sil. Anca la parociale la xe stà costruida da novo in sta zona. El antigo cormelo de San Micel, ormai località marzenade, la ga reçevesto l'apeladivo "Vecio" par destinguerla dal novo abità.