Provincia de l'Ojastra
Provincia dell'Ogliastra (it)  | |||||
|---|---|---|---|---|---|
|
|||||
| |||||
| Pozision | |||||
| Stato | Itàłia | ||||
| Rejon | Sardegna | ||||
| Capitałe |  Lanusei  Tortolì | ||||
| Popołasion | |||||
| Totałe | 58 389 | ||||
| Densità | 31,49 hab./km² | ||||
| Zeografia | |||||
| Àrea | 1 854,24 km² | ||||
| Rente a | |||||
| Dati istòreghi | |||||
| Desolvimento | 4 de febraro del 2016 | ||||
| Còdazi de identifegasion | |||||
| ISO 3166-2 | IT-OG[1] | ||||
| Còdaze postałe | 08045 e 08048 | ||||
| Còdaze de matricołasion | OG | ||||
| Fuzo oràrio | |||||
| Prefiso tełefònego | 0782 | ||||
| Còdaze NUTS | ITG2A | ||||
| ID ISTAT | 105 | ||||
| Istòrego | |||||
| Sito web | provincia.ogliastra.it | ||||
|
| |||||
Ła provincia de l'Ojastra (in sardo ojastrin Ogiastra/Oggiastra) ła jera una provincia itałiana[2].
Ła gaveva dó caołoghi: Lanusei, 'ndo che se riuniva ła Zónta, e Tortolì, onde che se riuniva el Conséjo.
Ła corispóndeva a ła region geogràfica de l'Ojastra, su ła costa sentro-orientałe de ła Sardégna: a est, donca, ła dava sul mar mentre a nord-òvest ła confinava co ła Provincia de Noro e a sud-òvest co ła Provincia de Cajari.
Łaa xe stada ła provincia itałiana manco popołà, co póco manco de 58 000 abitanti.
Geografìa
[canbia | canbia el còdaxe]Teritorio e Costa
[canbia | canbia el còdaxe]Ła region geogràfica de l'Ojastra, ła ga come bórdo nord i comuni de Urzulei e Baunei, a sud Tertenia e Perdasdefogu e come estemo òvest el comun de Seui. A est, invese, el ga el mar col gólfo de Arbatax. Ła contien du laghi, fati sarando sù co dighe el fiume Flumendosa, e un toco del grupo montuóxo del Gennargentu. Su la costa de l'Ojastra gh'è diverse cale, łe tìpiche baie sarde: verso nord, pasando Cao Monte Santo se cata Cala Luna, Cala Birìola, Ispuligidenie (dita anca Cala Mariolu), Cala Goloritzè, Cala Sisine 'ndo che se pol rivar via barcon da Arbatax o Santa Maria Navarrese o in serti caxi anca a pie faxendo strade co vari gradi de fadiga.
Su ła costa Tortolì l'è vegnù sù grasie anca a l'industria de ła carta che girava intórno al porto de Arbatax, ma deso l'economia de l'Ojastra ła ciapa tanto anca dal turismo visto ła gran quantità de spiaje come Tancau, Lido de Orrì, Cea fin Foxi Manna che łe se slónga dal nord verso al sud de ła provincia. In montagna, Lanusei invese el ga uno dei oservatori astronòmici piasè inportanti in Itałia, postà in sima al mónte Armidda: a Lanusei gh'è anca ła sede de ła Diòcexi che ła ciapa rento anca paixi de altre provincie come queła de Nùoro.
Montagne
[canbia | canbia el còdaxe]Come che se véde, l'Ojastra, donca, ła ga anca un bon toco de teritorio in montagna come na parte del Gennargentu e'l Supramonte de Baunei e de Urzulei. Su l'altopian del Golgo ghe xe Su Sterru un gran buxo naturałe de 300 metri rento el mónte: el xe el póso pi fóndo de tuta ła Sardégna.
Istoria
[canbia | canbia el còdaxe]Storicamente ła corispónde groso modo al Giudicado De Agujastra del primo medioevo, un vecio regno sardo picenin da ła vita curta che l'è stà po conquistà dal piasè grando Giudicado de Cajari.
Comuni prinsipałi
[canbia | canbia el còdaxe]- Tortolì - 10 310 abitanti
- Lanusei - 5 728 abitanti
- Biddamanna[3] - 4 127 abitanti
- Bari Sardo - 3 884 abitanti
- Baunei - 3 828 abitanti
- Tertenia - 3 739 abitanti
Note
[canbia | canbia el còdaxe]- ↑ Declarà da: MusicBrainz. Łéngua de l'òpara o del nòme: inglezo. Editor: MetaBrainz Foundation.
- ↑ Ła xe stada una de łe province sarde, mése in pie co la lege rejonale n. 9 del 2001
- ↑ in italian Villagrande Strisaili
| Controło de autorità | GND (DE) 4355688-7 |
|---|