Ponte del Diavoło (Torceło)

Da Wikipedia, l'ençiclopedia libara.


Infobox de InfrastruturaPonte del Diavoło
Someja
Epònemodiàvoło Cànbia el vałor in Wikidata
Dati
SortePonte Cànbia el vałor in Wikidata
Caraterìsteghe
Materiałematon
Pozision
 Torceło - Venesia
PozisionTorceło Cànbia el vałor in Wikidata

45°29′48.52″N 12°24′57.99″E / 45.496811°N 12.416107°E45.496811; 12.416107Coordinae: 45°29′48.52″N 12°24′57.99″E / 45.496811°N 12.416107°E45.496811; 12.416107



El Ponte del Diavoło xe uno dei do ponti de l'ìxoła de Torceło, ne ła Łaguna Veneta.

El xe asàe carateristego, in quanto come anca el Ponte Ciodo che se cata a Canaregio, gà łe fatése dei antighi ponti venesiani, sensa parapeto. Scavalca uno dei pochi canałi interni de l'ìxoła, queło che cołega el picoło centro storico de Torceło co ła łaguna.

L'orìxene del nome del ponte no gà oncora na spiegasion. Qualchiduni aferma che Diavoli fuse el soranome de na famegia locałe, altri invese lo fa risałìr a na legénda.

Le recenti indaxeni archeołogiche gà confermà che ła so costrusion risałe al XV° secoło, in quanto inte el tericio prexente intrà l'arco in matoni e el pian de sgalmaraménto, anca queło fato in matoni, xe stài catài reperti databiłi a quel periodo.

S'à parò podesto constatàr che i so fondaménti se inestava so fondaménti preexistenti, databiłi al XIII secoło, che apartegniva ad un altro ponte precedente che in tuta probabiłità gera piàn e più streto de sìrca un metro rispèto a quèło existente acora ancùo.

El 6 agosto 2009 xe fenìo el radical restauro del monumento, co un intervento che gà rigoroxaménte mantegnùo ła strutura e ła sorastrutura orixenałi fortesàndoghene l'arco e łe spàłe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ponte_del_Diavoło_(Torceło)&oldid=1042638"