Piero Querini

Piero Querini

Biografia
Nasimènto	seculo XV Venèsia (Itàlia)
Mòrte	seculo XV
Atività
Laóro	mercante

Piero Querini, capitan veneto (e menbro deo magior consejo) de familia patrisia, el xe famoso parché in un so viajo verso le Fiandre inte el 1431-32, la so nave la xe sta portà via da na tenpesta e la ga fato naufragio fin su l'ìzoła de Røst, inte l'arcipełago norvegexe de le Lofoten. I gera partii da Candia. El xe restà lì quatro mexi insieme ai so marineri, fasendo amicisia co quei del posto, che i canpava pescando merluzzi che dopo i metea a 'sicar par conservarli a longo. Prima che sti pescadori i catasse, i xe soravisudi magnando cape e parfin na bałena catà morta soe rive de l'ìzoła.

Querini el ga riportà a Venexia sti péssi, ciamai stoccafissi, che da de lora i xe entrai stabilmente ne la cuxina (e ne la cultura) veneta col nome de bacalà. In realtà da resenti studi de la università de Tromsø se pensa che el Querini el gabia vendesto i pesi a Bergen pa pagarse la maniera de tornar a Venexia. Sto fato comoncoe no cava la sostansa che dopo sta esperiensa i raporti intrà lo Stato veneto e le Lofoten i ga mejorà on mucio. Atualmente i abitanti de Røst i xe gemelai co Sandrigo, e tanti altri paexeti de quee ìzołe i ga raporti co comuni nostrani.

Arcipełago Lofoten

Bibliografia

• Franco Giliberto e Giuliano Piovan. Alla larga da Venezia. L'incredìbiłe viaggio di Pietro Querini oltre il circolo polare artico inte el '400, Marsilio, ISBN 978-88-317-9459-6
• Amund Helland: Norsk omsetjing av Querinis beretning, i Nordlands amt. Bind II, i serien Norges Land og Folk Kristiania 1908
• Helge A. Wold: I paradisets første krets, Cappelen 1991
• Helge A. Wold Querinis reise - historier om in historie. Omsett til italiensk av Lucio Lombardi og Enrica Sollaino Querinis og mannskapet si skildrign er omsett til norsk av Marie L. Aalen. Orkana Forlag 2004 ISBN 82-8104-000-9
• Et skibbrudd ved paradisets første krets, intrà Nordlysveien, Universitetet i Tromsø
• Pietro Querini, Cristoforo Fioravante et Nicolò de Michiel, 'Naufragés, traduction et introduction par Claire Judde de Larivière, Toulouse, Anacharsis, 2005.