Pianeta

I cuatro pianeti de tipo terestre: da sanca, Mercurio, Venare, ła Tera e Marte

On pianeta l'è un corpo seleste che no'l sbarluxega de luxe propria, no produsendo enerxia traerso la fuxion nucleare, diversamente da łe stéłe, che da torno ste cuà, i pianeti i orbita. La masa dei pianeti xe sufisente a darghe na forma sferoidal, andove la so dominansa gravitasionale ghe permeta de mantegner libara la so fasa orbital da altri corpi de dimension pari o maxori.

Sta definision la xe divegnua ofisale inte l'astronomia el 24 de agosto del 2006, co la so promulgasion ufisale da parte de l'Union Astronomega Internasionałe. Prima no ghe jera na definision presixa, ma na indicasion, che la njien da l'antica astromia greca, andove se considerava un pianeta come un calsiasi corpo seleste, doto de masa significativa, che el se movese so orbite fise.

El sistema solare nostran

Tuti i pianeti del sistema solare, a parte de la Tera, i ciapa el nome dai dei romani e gresi. I so sateliti naturai li tole el nome da dei e personaji de la mitoloxia clasega o opare teatrali de Shakespeare .

I asteroidi i pole tore el nome da chi che li scopre. Sta roba la xe sta sielta da l'Union Astronomega Internasional.

Pianeti riconosui e i so sateliti

In tel nostro Sistema sołare ghe xe oto pianeti:

1. Mercùrio () - 0 sateliti naturali
2. Vènere () - 0 sateliti naturali
3. Tera () - 1 satelite natural: Łuna ()
4. Marte () - 2 sateliti naturali: Deimos e Fobos
5. Xove () - 95 sateliti naturali conosui
6. Saturno () - 146 sateliti naturali conosui
7. Uran () - 27 sateliti naturali
8. Netun () - 13 sateliti naturali

Ex pianeti e pianeti nani

Da co xe sta conosua l'existensa de Eris e de altri oxeti caxi conpagni de elo inte la fasa de Kuiper inte el 2005, xe sta mesa in discusion se la definision de pianeta sia justa par dirghe a Pluton (♇). Inte el 2006 dopo un longo bota e risposta, l'è sta ridefinio come Pianeta nano, in conpagnia de Haumea, Makemake e Cerere che el jera considarà el pì grando Asteroide. Xe sta conosua la prexensa de n'altro pianeta nano, el so nome xe Sedna, che el xira intorno al sole a na distansa mèdia de 13 miliardi de km (3 olte pì distante de pluton). El nome xe sta ufisalixà inte el autuno del 2004