Pian cuincuenałe

El pian cuincuenałe (in ruso: "пятилетка", pjatiletka, cuincuènio) el ze un strumento de pułìtega ecònomega doparà (in Rùsia da Josif Stalin inte el 1928) inte i rezimi a economia pianifegada, o sia inte i paezi sociałisti andove che l'inisiativa econòmega ła ze in larga parte zestionada dai enti pùbleghi. Un pian cuincuenałe el indivìdua determenai fini da rivar a ver inte un perìodo de sìncue ani inte i vari setori de l'economia. I fini i consiste in na definia cuantità fìzega de beni che i gavarà da vegner produzesti.

Zenerałità

I piani cuincuenałi i zera stai introduzesti par ła prima volta inte l'Union Soviètega soto de ła guida de Stalin inte i ani intrà el 1929 e el 1933. L'òrgano prinsipałe responsàbiłe de ła pianifegasion el zera el Gosplan. El primo pian cuincuenałe soviètego el ghea favorio un grando desviłupo de l'indùstria pezante e el ghea sfavorio invese ła produsion dei beni de consumo e el setore agrìcuło.

Sto primo tentativo el zera sta seguio altri seventi piani cuincuenałi, senpre pì ełaborai e sofistegai, anca gràsie de l'introdusion de mejo indegadori de produtività (no solché inte in tèrmani fìzeghi), al mudamento de ła lista de łe priorità in favore dei beni de consumo, al cresimento de ła dòpara de incentivi (estendesti anca ai dirizenti) e a l'autonomia de łe struture locałi.

Sto sistema de pianifegasion ecònomega ła ze sta adotà anca inte ła Repùblega Popołare Cineze e ła ze oncora oncó in vigoria, se bè che ła vegna uncó infiancada a l'inisiativa pùblega anca cueła inprenditoriałe privada. I ghe ze stai ezenpi de pianifegasion econòmega simiłare, anca se co racuante defarense, in tanti altri Paezi che i ga adotà un'economia sociałista, intrà sti cuà el Vietnam.

Par zonta, vari stati capiałisti i ga mutuà el strumento de ła pianifegasion sentrałe, par aplegarlo inte el contesto de na economia de marcà, inpostando fini ecònomeghi integrai inte un perìodo finio de tenpo, anca difarente dal cuincuènio. I ze cusita stai inventai i "piani setenałi" e i "piani dodezenałi". Racuanti piani cuincuenałi no i ghea disfrutà totalmente el perìodo de tenpo che el ghe zera sta asegnà: racuanti i zera rivà ai fini prefisai prima del prevedesto, mentre altri i ghea fałio e i zera stai sbandonai. In URSS inte el totałe i ghe zera stai trèdaze piani cuincuenałi.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Pian cuincuenałe
• el detien schemi gràfeghi so