Paul Michael Glaser
Paul Michael Glaser (Cambridge, 25 marso 1943 xe un ator e regista statunitense.
Indice
Biografia[canbia | canbia el còdexe]
Nato nel Massachussets, el gà frequentà l'università de Tulane, dove gera conpagno de camara del regista Bruce Paltrow. El gà conpletà ła formasion avùa co' un master in teatro 'ntel 1966, e un segondo master in recitasion e regia 'ntel 1967. Dopo che gà partesipà conparìndo in produsion de Broadway, 'ntel 1971, el gà avùo el so primo personaxo in un film, co'l gà interpretà Perchick in Il violinista sul tetto. Senpre in quei ani el s'a fato rimarcàr dal publico tełevixivo parchè gaveva parteçipà a varie serie TV, tra cui Agenzia Rockford co' James Garner. I ani che deventa pì conosùo xe infra el 1975 e 'l 1979, interpretando el ròło de detective David Starsky in conpagnìa de David Soul ne ła serie tełevixiva Starsky & Hutch, de cui el gà direto vari epixodi. Finìa l'esperiensa avùa co' sta serie, Gaser xe andà 'vanti co' ła so carièra in tełevixion e nel sìnema, soratuto cofà regista. Esendose ocupà de diriger varie serie tełevixive, 'ntel 1987 se gà ocupà de ła regia de L'implacabile co' Arnold Schwarzenegger, e 'ntel 1992 queła de The Cutting Edge (Vincere insieme). Glaser xe de soravìa el regista del film Kazaam co' Shaquille O'Neal. 'Ntel 2004 el xe tornà so'l gran schermo come atore in conpagnìa de Jack Nicholson in Tutto può succedere, e co' un picoło cameo neła sèna finałe del film "Starsky & Hutch" (indove conpare anca David Soul). 'Ntel 2007 el recita interpretando el prexidente de un Network in Live! - Ascolti record al primo colpo
Vita privà[canbia | canbia el còdexe]
Dai ani novanta Paul Michael Glaser xe inpegnà a rancuràr fondi par 'na fondasion a sostegno dei putèłi małài de AIDS, fondàda da so mugèr Elizabeth. Elizabeth gaveva contrato l'HIV a cauxa de 'na trasfuxion risevùa durante il primo parto, e xe morta 'ntel 1994. Ła prima fìa de ła cùbia, Ariel, nata sieropositiva, gera morta 'ntel 1988.
Glaser s'à rispoxa 'ntel 1996 co' ła produtrice Tracy Barone, da cui gà avùo 'na fiòła 'ntel 1997.
Filmografia parsiałe[canbia | canbia el còdexe]
Regista[canbia | canbia el còdexe]
- Amazzoni (Amazons, 1984)
- I 5 della squadra d'assalto (1986)
- L'implacabile (1987)
- Vincere insieme (1992)
- Che aria tira lassù? (1994)
- Kazaam - Il gigante rap (1996)
Ator[canbia | canbia el còdexe]
- The Streets of San Francisco (Le strade di San Francisco) (1972) - serie Tv
- Cannon (1972) - serie Tv
- The Rockford Files (Agenzia Rockford) (1974) - serie Tv
- Starsky & Hutch (1975-1979) - serie Tv
- squadra emergenza - serie Tv
- Tutto può succedere (2004)
- Starsky & Hutch (Starsky & Hutch) (2004)
- Live! (Live! - Ascolti record al primo colpo) (2007)
- Lego: The Adventures of Clutch Powers (LEGO - Le avventure di Clutch Powers), regia de Howard E. Baker (2010) – voce
Altri progeti[canbia | canbia el còdexe]
Su Commons ghe xe dei file multimediałi su Paul Michael Glaser
