Panevin
(VEC)
«Se 'e fuìve va a matìna ciol su 'l sac e va a farina; se 'e fuìve va al garbìn prepàra 'l caro pa' ndar al muìn»
El panevìn, ciamà anca pìroła-pàroła, el xe ła tradisional bubaràta de ła sera de ła vixiłia de ła Pifanìa. Sta tradision, oltre che inte el Vèneto, ła ghe xe anca in Furlania, andove i ła ciama pignarûl, e in Bixiacaria, andove i ła ciama seima.
Insima al mucio de materiałe conbustibiłe, conposto tradisionalmente da strèpołe, ruse e da raméti bruscai, vien meso un piavołòto ciamà vecia (da cui "bruxare ła vecia", espresion doparà co se se riferise a sta tradision).
De sołito durante sta festa se magna ła pinsa (un dolse tipego propio de sta festa) e se beve el vin brulè.