Paco de Lucía

Da Wikipedia, l'ençiclopedia libara.


El xe stà uno dei più grandi chitaristi de flamenco [1]

Biografia[canbia | canbia el còdaxe]

Paco de Lucia inte el 1972

Paco de Lucía (Francisco Sanchez) nasse ad Algeciras, in provincia de Cadice Andałuxia (Spagna) so fìo de Lucía Gómez e Antonio Sánchez. El nome d'arte Paco xe el diminutivo de Francisco e el cognome de Lucia xe in onor de so mare. El xe nato imerso inte ła cultura flamenca che ga inparà ancor 'vanti che ghe vegnisse dàe lesion pratiche. El tàca a inparàr a sonàr la chitara col ga çinque ani dal pare e dal fradèło Ramon de Algeciras ((entranbi chitaristi de flamenco)) che ghe ne fa na atività necesaria par el sostentaménto de ła famegia. Ell suo mestro xe stà el chitarista Niño Ricardo (Manuel Serrapí Sánchez) e intra i so parenti anovara un barba Sabicas (Agustín Castellón Campos), altro chitarista de rimarco.

Col ga nome che 11 ani el sbandona ła scòła par dedicarse conpletamente a ła chitara e se exibise par la prima volta in publico, ospite de na radio locałe (Radio Algecíras). Tre ani drìo co so fradèło, el forma el dòto Los Chiquitos de Algecíras che ghe fa vinsèr un premio speciałe de ła giuria.

Inte el 1962 el se trasferisse a Madrid co ła fameja e può el parte par i Stati Unii par el so primo tour col fradèło. Drìo el periodo dei primi concerti, inte el 1965 el taca na serie de cołborasion muxicałi co vari artisti: so fradèło Ramon de Algeciras, Ricardo Modrego e A. Fernández Díaz Fosforito co el qual insìde ła Seleccion Antologica del Cante Flamenco'. Inte el 1966 el parte da nòv in tour e l'ano drìo el insìde el so primo albun da sołista La fabulosa guitarra de Paco de Lucía.

Inte el 1968 avien l'incontro co Camarón de la Isla co el cuało insidarà ben 12 albun. Ła łonga serie de concerti e el suceso otegnùo ghe parmetarà di rivàr a sonàr el 18 febraro 18 febbraio 1977 al Teatro Real de Madrid, logo inddove che no se gavea mai exibìo nigùn chitarista de flamenco.

Ne ła metà dei ani setanta el conosarà alguni personaxi un mucio inportanti par la so evołuzione artistega intfra i cuałi Al Di Meola, John McLaughlin, Larry Coryell e Chick Corea. El se spoxarà inte el 1977 co Casilda Varela.

Inte el 1980 el insìde co John McLaughlin e Al Di Meola Friday Night in San Francisco un albun oncora desso ga vendùo più de sìnque miłioni de copie.

Inte el 1981 co Ramón de Algeciras, Pepe de Lucía, Rubén Dantas, Carles Benavent e Jorge Pardo el insidarà un albun rivołusionario par la muxica flamenca Solo quiero caminar. Inte el 1990 el cołabora co Claudio Baglioni al brano Domani mai dell'album Oltre. Inte el 1996 el se riunisse dopo 13 ani co John McLaughlin e Al Di Meola co i cuałi insidarà The Guitar Trio. Inte el 1998 el registra l'albun Luzia, dedicà a so mare desconparsa indove ła prima volta podemo scoltàr la so voxe cofà cantaor. Inte el 2004 ghe vien conferìo el Premio Príncipe de Asturias nell'Arte el 23 marso 2007 da l'Università de Cadice e l'8 magio 2010 el Berklee College of Music di Boston ghe conferìsse el titoło de Dotor Honoris Cauxa par el so contributo muxicałe e culturałe.

El 25 fevrèr 2014 el mor a l'età de 66 ani so' na spiagia messicana a cauxa de un infarto[2].

Note[canbia | canbia el còdaxe]

  1. È morto Paco de Lucia, Squer.itsquer.it.
  2. Morto il chitarrista Paco de Lucia, maestro di flamenco Repubblica.it


Controło de autoritàVIAF (EN22327986 · ISNI (EN0000 0001 0878 5701 · El vałore UBOV525445 de SBN no el xe mija bon. · Europeana agent/base/49343 · LCCN (ENn83046967 · GND (DE119466929 · BNF (FRcb13896848g (data) · BNE (ESXX1125995 (data) · NLA (EN35994665 · WorldCat Identities (ENn83-046967
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Paco_de_Lucía&oldid=1158200"