Pałaso del Comun (Verona)

Da Wikipedia, l'ençiclopedia libara.
Jump to navigation Jump to search
Sto articolo 'l 'é scrito in veronexe

El Pałaso del Comun o Pałaso de ła Raxon, o Pałaso del Marcà Vecio l'è un pałaso de Verona, situà intra Piasa de łe Erbe e piasa dei Siori.

Istoria[canbia | canbia el còdexe]

El Pałaso co' la scala de la Rejon

El pałaso l'è stà anca sede del Comun e 'l gà ospità par longo tenpo la Pretura e la Corte d'Asixe. Se tràta de un inponénte edificio a pianta quadrangołare, co' 'na corte sełexà sentrałe. El conpleso se cata 'nte ła xona che costituìa el foro roman. Sirca la data de costruzion del pałaso, iè prexenti du tavełe che riporta du date diferenti, una 1138 e l'altra 1193 (comunque el XIII secoło). 'Ntel 1218 el pałaso l'è stà semi-desfà da un incendio, l'è quindi stà recostruìdo e concluxo el 1219. Durante la Republica de Venesia el pałaso l'è stà utiłixà anda da tribunałi, dal Colèjo dei Nodàri e vari altri ufici. 'Ntel 1447 l'è stà costruìda leteralmente a l'edificio la Scala de la Raxon, indéntro la corte, sóto la Tore dei Lamberti.

Strutura[canbia | canbia el còdexe]

Palazzo del Comune.jpg

L'edificio se sviłupa anco' su tri piani. 'Nte ła Tore cantonà le colone sostien ancora i archi a tuto sesto, e resta una de le poche architeture originałi (XIII secoło) de vałore notevołe conservàde drento al pałaso, insieme a la Capela dei Nodàri (XVI secoło). I numeroxi restauri otosenteschi iè stà realixàdi par sercar de portar l'edificio a la condision orixinałe.

Bibliografia[canbia | canbia el còdexe]

  • V. Fainelli, Le epigrafi dei palazzi scaligeri di Verona, Venezia, Carlo Ferrari, 1954.
  • T. Lenotti, Palazzi di Verona, Verona, Vita veronese, 1964.
  • F. Dal Forno, Case e Palazzi di Verona, Verona, Banca popolare di Verona, 1973.
  • Notiziario BPV. Numero 1, anno 1988.
  • P. Floder Reitter, Case palazzi e ville di Verona e provincia, Verona, I.E.T. edizioni, 1997.
  • G. Forti, La scena urbana: strade e palazzi di Verona e provincia, Verona, Athesis, 2000.
  • M. Luciolli, Passeggiando tra i palazzi di Verona, Garda, 2003.

Altri progeti[canbia | canbia el còdexe]

  • Collabora a Commons Su Commons ghe xe dei file multimediałi su Pałaso del Comun (Verona)