Pałaso Grimani (Castèło)

Da Wikipedia, l'ençiclopedia libara.
Jump to navigation Jump to search
Sto articoło el xe scrito in venesian
Cortil.
Salon.
Stanza de Apollo.

El Palaso Grimani de Santa Maria Formosa xe un museo statàl de Venessia del sestièr de Castèo. Par entrar, ti ga da 'ndar in campo Santa Maria Formosa e, fato el ponte, ciapare Ruga Giuffa. 'Na volta, ma anca 'desso, se podeva entrar da la porta che va in canal.

Storia e descrission[canbia | canbia el còdexe]

El pałaso xé rimasto ai Grimani de Santa Maria Formosa fin al 1865. L'ultimo paròn, Michele, el gera morto sensa fioi e dopo tanti ani e tanti paròni diversi, nel 1981 el xé stà comprà dal Stato. Nel domiłaeotto, finii i restauri, el xé sta vèrto come Museo.

Sta bea casa granda, xé sta comprada da Antonio Grimani (chel divegnarà anca Dose) a fine del quatrosento. Ma xé stà so nevodi, Vettore e Giovani, a darghe na bea remenada intorno ai ani trenta e ai ani sesanta del sinquesento.

I gaveva in mente chi bei pałasi dei imperatori romani antichi e cussì i gà ciamà pitori e stucadori foresti, diretamente da Roma, a decorar la so casa, che 'a diventava sempre più bea e rica.

Sicome a tuti in famegia ghe piaseva comprar o rancurar robe vecie da soto tera, prima su tuti el so barba Domenico Grimani (cardinal a Roma), drento a le stanse ghe gera un vero e proprio museo de archeologia privato: 'na importante coession de statue, de marmi, vasi, bronseti, arassi e piere vecie.

Prima de morir, Giovani, chel gera patriarca de Aquileia, ma anca un bon omo, el gà łassà a ła Serenisima Republica de Venessia 'na bona parte de la so coession. 'Desso se pol vedarla qua visin in tel Museo Archeologico de Venesia, in Piassa.

I restauri i xé sta sì 'onghi, ma i gà salvà da ła rovina uno de i più bei e antichi pałasi venessiani.

E stanse più bee xé:

a camareta de Apolo, coi stuchi de Giovani da Udine e le piture de Francesco Salviati; la camareta con le storie dei intrighi de Giove co Callisto; la stansa col pergoło piturà, tanto beo che el par vero, con tanti àlbori, fiori, piante, fogie, oseeti che par de sentirli cantar. E ancor, apena che ti gà vantà la Scała par andar al pian nobie, ti vardi in sù e ti vedi, in picoeo, 'e stesse meravegie dea scaea d'oro de Pałaso Ducal. El toco forte comunque gera ła stansa tuta rivestìa de marmo, ciamà anca Tribuna (nesun sa parché), dove 'na volta Giovani el gaveva incastronà tuta ea so roba antica e desso ghe xé rimasto soeo el Ganimede che svoea.