Pałaso Contarini del Bòvoło

	Pałaso Contarini del Bòvoło
Dati
Sorte	Pałaso, palazzo museo (it) e museo di un ente pubblico (it)
Caraterìsteghe
Stiłe architetònego	gotico (it)
Pozision
Rejon aministrativa	Venèsia (Itàlia)
Pozision	Sestiere San Marco 4303, 30124 Venezia
	45°26′05.3″N 12°20′04.3″E
Atività
Vizitanti anuałi	106 402 (2022)

El Pałaso Contarini del Bovòło el ze un pałaso gotico de Venesia che'l se cata inte'l sestier de San Marco, visin a Canpo Manin.

Storia

El pałaso el ze stà costruìo infrà el "Tre" e el "Cuatrosento", cofà dimora de i Contarini de San Paternian, che da ła fìne de'l Cuatrosento co ła zonta de ła scała a bòvoło, i ze stài soranomenài "da'l Bòvoło".

Inte'l 1717 el conpleso el ze pasà a Giovanni Minelli che'l gaveva spozà Elisabetta di Pietro Maria Contarini, ùltema raprezentante de ła famegia.

So'l scominsio de l'Otosento el ze stà conprà da ła dita Emery, da ła cuała el ze stà fità ad Arnoldo Marseille che'l ghe gaveva verto un albergo dito "del Maltese" (da cui ła denominasion de ła corte del Maltese so ła cuała se afasa el pałaso). Inte'l 1852 el ze stà cedùo par testamento a ła parochia de San Luca e ła ze deventàda sede de ła Congregasion de carità. El pałaso el apartien oncora atualmente a łe Istitusion de recèto e de educasion.

Ła scała

El pałaso el ze famozo par ła tore scałare tónda co scała a bòvoło (in diałeto venesian).

El pałaso, cazamentà a ła fìne de'l Cuatrosento da ła famegia Contarini, el prezenta su'l rio de San Luca na fasada co tre połifore archiacute. Inte'l 1499 Pietro Contarini el ga fato zontar verso ła corte interna un picoło corpo de fabrica in stiłe renasimentałe, caraterizada da na serie de łoze verte co archi a tuto sesto o rezbasài. Ła tore drìo, dezenjada da Giovanni Candi o da Giorgio Spavento, ła dà aceso a łe łoze e ne continua el stil aereo inte i sincue órdeni de archi ranpanti su cołone. Ła tore ła tèrmena in un belvedere a cùboła co anpia vizuałe so ła sità.

Inte'l XIX sècoło, dopo eser stà albergo par un serto parìodo, el ze pasà a na istitusion de carità, ed ancùo el ze propietà de łe Istitusion de Recèto e de Educasion.

Inte el 1859, l'ałora łitografo Wilhelm Tempel el ga parà i só primi rimàrchi astronomisi da'l belvedere de ła tóre, co un tełescopio de só propietà. Cui, el 2 avril 1859, el ga scoverto, ła cometa C/1859 G1, ed el 19 otobre 1859 ła Nebułoza de Merope inte l'amaso verto de łe Pleiadi.

Bibliografia

Marcello Brusegan. La grande guida dei monumenti di Venezia. Roma, Newton & Compton, 2005. ISBN 88-541-0475-2.
Guida d'Italia – Venezia. 3^a ed. Milano, Touring Editore, 2007. ISBN 978-88-365-4347-2.
Giuseppe Tassini. Curiosità Veneziane. Venezia, Filippi Ed., 2001.
Iliazd, L'art de voir de Guillaume Tempel, Imprimerie Union, Paris, 1964.

Voze łigàe

Altri prozeti

Wikimedia Commons el detien imàjini o altri file so Pałaso Contarini del Bòvoło
Scholia el detien schemi gràfeghi so Pałaso Contarini del Bòvoło

Łigadure foreste

http://www.scalabovolo.org/bovolo2.html Archivià il 7 de majo 2006 in Internet Archive.
http://www.irevenezia.it/

Gałarìa de imàxeni