OpenStreetMap

Da Wikipedia, l'ençiclopedia libara.
OpenStreetMap
Cànbia el vałor in Wikidata
Cànbia el vałor in Wikidata
Version de scumìsio1° de lujo del 2004 Cànbia el vałor in Wikidata
Tipocomunità online (it) Traduzi, crowdsourced project (en) Traduzi, progetto comunitario (it) Traduzi, software libero (it) Traduzi, open data project (en) Traduzi, registered service mark (en) Traduzi, Setore econòmego, digital public good (en) Traduzi, contenuto libero (it) Traduzi e mappare in internet (it) Traduzi Cànbia el vałor in Wikidata
Disponìbiłe in
Clasifegasion de Alexa6 938 Cànbia el vałor in Wikidata
Caratarìsteghe tècneghe
Scuadra
CreatoreSteve Coast (it) Traduzi Cànbia el vałor in Wikidata










Facebook place: OpenStreetMap
Twitter: openstreetmap


Telegram: OpenStreetMapOrg































GitHub: openstreetmap




Open Street Map (OSM) el xe un projeto cołaborativo finałixà a crear mape libare del mondo. Łe mape le vien creae uxando dati ricavai da ricevidori GPS portatiłi, someje aeree e altre risorse libare.

Open Street Map xe stà ispirà da siti cofà Wikipedia. I utenti registrai i połe cargare inte el database del projeto traçe GPS e modifegare i dati vetoriałi uxando editor cofà JOSM o Potlatch.

Storia[canbia | canbia el còdaxe]

OSM el xe stà fondà inte el lujo 2004 da Steve Coast. Inte el 2006 xe sta creà na fondasion che ła sostien el projeto jutando ła so cresita e el so sviłupo.

Produsion de łe mape[canbia | canbia el còdaxe]

Tènica[canbia | canbia el còdaxe]

De baxe, i dati pa' ła reałixasion de łe mape i vien rancurai, traverso soralóghi sol teritorio, da vołonatari co unità GPS portatiłi. Łe informasion tolte su łe vien inserie via computer inte el database, in formato vetoriałe.

Resentemente ła disponibiłità de someje aeree e de altri dati da enti comerçałi e goernativi ga vełocixà sto laoro de racolta e ga permeso de inserir i uxi del terén co pì precixion. Ła conversion e l'inportasion de grandi baxi de dati, co łe vien mese a dispoxision co licensa libara, łe xe afidae a de i tènici.

Soralóghi sol teritorio[canbia | canbia el còdaxe]

I soralóghi sol teritorio i vien fati da vołontari (ciamai "mapatori") a pie, in bicicréta, machina, treno o calsiasi altro mexo de trasporto, uxando na unità GPS in conbinasion co altri mexi pa' notarse informasion axuntive: i pì tenołoxisi i dopara rejistratori vocałi, fotocamare dixitałi o altro, ma xe sufisente un blocheto pa' i apunti e na péna (o un lapis). De sołito i vołontari i laora in sołitaria ma ogni tanto vien organixai de i mapping party, soralóghi de grupo a i cuałi partesipa un bon numaro de vołontari.

Visto che łe faxi de racolta e cargamento de i dati łe xe separae da ła faxe de modifega de i ogeti, xe posìbiłe contribuir al projeto anca sensa 'ver na unità GPS. Soratuto controłando i dati existenti, corexendo i erori e xontando informasion sfrutando ła personałe conosensa del teritorio.

Dati da fonti goernative[canbia | canbia el còdaxe]

Serte agensie goernative ga riłasà i propi dati co license conpatìbiłi co OpenStreetMap. Cuesto xe suceso soratuto inte i Stati Unii andove che i dati del goerno federałe, par leje, nó i połe esar coerti da dirito d'autor. In Itałia el ISTAT ga meso a dispoxision łe coordinate de i sentri abitai e i confini de rejon, provinse e comuni. I comuni de Meran, Schio e Storo i ga asunto ati aministrativi formałi pa' rendar libari i dati giografisi in so poseso.

Dati de orixene comerçałe[canbia | canbia el còdaxe]

Un fià de conpagnie comerçałi łe ga meso a dispoxision i so dati par el projeto licensiandołi co na licensa adeguà. A exenpio Yahoo! e Bing ga meso a dispoxision le someje aeree cofà layer de sorapoxision inte i software de editing del projeto.

Licensa[canbia | canbia el còdaxe]

I dati de OpenStreetMap atualmente i xe publicai co na licensa CC-BY-SA ma el projeto el xe drio pasar a na nova licensa ciamà Open Database License (ODbL), pì adata a un database de dati giografisi

Formato de i dati[canbia | canbia el còdaxe]

OpenStreetMap el uxa na strutura dati topołoxica:

  • I nodes (in veneto gropi) i xe ponti co poxision ziogràfega.
  • Łe ways (in veneto vie) łe xe liste de nodes, che łe raprexenta na połilinea o un połigono.
  • Łe relation (in veneto rełasion) łe xe grupi de nodes, ways o relation a i cuałi połe esare asegnae precixe propietà.
  • I tag (in veneto etichete) i połe esar aplicai a nodes, ways o relation e i consiste in copie nome=vałore.

Liganbi foresti[canbia | canbia el còdaxe]


Controło de autoritàVIAF (EN184588430 · LCCN (ENn2011027061 · GND (DE1067339671 · BNF (FRcb16993444v (data) · WorldCat Identities (ENn2011-027061
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=OpenStreetMap&oldid=1109363"