Novegno

Da Wikipedia, l'ençiclopedia libara.
Infobox de zeografia fìzegaNovegno
Novegno, passo di Campedello e Priaforà.jpg
Cànbia el vałor in Wikidata
SorteMontagna Cànbia el vałor in Wikidata
Liogo
ContinenteEoropa Cànbia el vałor in Wikidata
Rejon aministrativaProvincia de Vicensa, Itàlia Cànbia el vałor in Wikidata
45°46′N 11°19′E / 45.766667°N 11.316667°E45.766667; 11.316667 (Novegno)Coordinae: 45°46′N 11°19′E / 45.766667°N 11.316667°E45.766667; 11.316667 (Novegno)
Caena montagnozaPrealpi Visentine Cànbia el vałor in Wikidata
Dati SOIUSA
Gran parteAlpi Orientałi
Gran setoreAlpi Sud-orientałi
SesionPrealpi Vènete
SotosesionPrealpi Visentine
SupergrupoPicołe Dołomiti
GrupoMasiso del Pasubio
SotogrupoSotogrupo del Monte Novegno
CòdazeII/C-32.I-B.4.c
Dati e sifre
Altitùdene1552
Materiałeròcia sedimentària Cànbia el vałor in Wikidata


El Monte Novegno el xe alto 1552 m e el se cata tacà Schio, in provinça de Vicensa. Ła xe na montagna isołà, un acròcoro, che se spense verso ła pianura, a forma de łongo cùneo intrà ła Val Poxina a nord, ła Valdastego a est e ła Val Leogra e ła pianura a sud, łigà al Pasubio dal Paso Xomo (1056 m). El masicio cronpende anca el Priaforà (el se ciama cusì perkè ghe xe un gran buxo naturałe suła rocia e el se vede anca da distante, da ła Val d'Àstego), 1659 m, e el Monte Xove,1596 m, noti par i venimenti de ła prima guera mondiałe. El punto pi alto xe el Monte Rivon, 1696 m, dove che ghe xe anca un picoło forte gestio dall'associasion IV Novembre de ricerche storiche de Schio.

Storia[canbia | canbia el còdaxe]

Prima guera mondiałe[canbia | canbia el còdaxe]

Fin al 1916 el Novegno el xe sta fora dai conbatimenti perkè ła linea del fronte ła xera tanto pi a nord, passà ła Val Poxina e la Val de Laghi, sułe montagne de łe Laste. Tuto canbia inte el magio del 1916 quando che i Austriaci i fa partire 'n'ofensiva, che noialtri ciamemo "Strafexpedition" (spedision punitiva). El dì 16 el 3° regimento Kaiserjaeger e el 14° e 59° regimento de fanteria austriaci i taca el Sojo d'Aspio, el Coston e ła Costa d'Agra, difesi da ła 53.ma division de fanteria italian, che resiste eroicamente anca se co tante perdite. El forte fogo de artijeria austriaca, ala fine, intrà el 17 e el 18 magio, fa perdere ai Italian el Sojo d'Aspio e l'Albergo Fiorentini. Deso i Austriaci i se buta suła seconda linea italian e i riese a ocupare Monte Magio. El 18 magio vien ciapà el Coston d'Arsiero e ła Sima de Canpołuzo. El 19 i Austriaci i vien xo e i ocupa el Paso de ła Vena, el Forte Canpomolon, el Monte Toraro e el Spitz Tonesa. El 21 vien ciapà el Monte Majo, Laghi, el Monte Seługio e el monte Tormeno. Senpre vegnendo pi a sud, i Austriaci i riva a conquistare el Monte Cimone il 25 magio e el monte Caviojo, pi soto, el dì dopo, quando che i ocupa Arsiero e el forte de Casa Rati, xo in Valdastego. Xe a sto punto che el Novegno resta l'ultimo monte prima che se verxa davanti tuta ła pianura veneta. Vegnendo su da ła Val Poxina e da Arsiero, el 30 magio i Austriaci i riese a ocupare el Priaforà, col'obietivo de rivare al paso de Canpedeło, Monte Xove e 'ndar xo in pianura. l'8 de zugno, parò, vien trasferia sul fronte orientałe, par darghe drento ai Rusi, ła 61.ma division de fanteria pena rivà in Tiroło e che doveva servirghe par sfondare dopo tute łe perdite che i Austriaci gaveva avudo da ła fortisima resistensa dei Alpini e dei fanti italian de ła 35ma division de fanteria. El 12 zugno el 4° regimento Kaiserjaeger prova par 3 volte a sfondare al Paso de Canpedeło e verso Monte Xove, ma ła resistensa dei Italian xe cusì forte che par i Austriaci no ghe xe gnente da fare e lì finise el masimo del so sfondameno verso Schio e Vicensa.

Seconda guera mondiałe: ła Rexistensa[canbia | canbia el còdaxe]

El monumento ai partixani de Vałortigara

El Novegno, durante ła Resistensa contro i naxisti e i fasisti, dal 1943 al 1945, xera tera, come tute łe Picołe Dołomiti, dove che operava łe formasion partixane, pogià el pi de łe volte da ła popołasion de łe contra'. Naxisti e fasisti, in rapresałja, ghi na fato ajo contro i siviłi in diverse ocasion. Par quanto riguarda el Novegno, el 30 apriłe del 1944, reparti del 3° batałjon del 12° regimento SS de polisia de Verona i bruxa de łe caxe a S. Caterina e i fuxiła so papà de un partixan. In zugno nase ła brigata partixana "Garemi" e l'atività de guerija ła se fa pi forte. Ałora vien destinà a ła controguerija el 263° batałjon orientałe de ła Wehrmacht, comandà dal capitan Fritz Buschmeyer, e fato tuto de Rusi e Ucraini. El 16 e el 18 zugno el batałjon el taca ła contra' de Vałortigara: vien portà via a Maran Vixentin Bruno Brandellero, dove el vien torturà e copà, sul posto vien torturà e copà do carabinieri che se gaveva rifugià lì, Guido Vigoni e Renzo Ghisi. Pi de sento ostagi vien portà xo in gałera. Ła fin del'incubo ła rivarà a ła fin de apriłe - primi de magio del 1945.

Gałeria de someje[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Novegno&oldid=1070557"