Nasionalsociałismo

El nasionalsociałismo, ciamà anca nazismo, talvolta anca hitlerismo, ła ze sta un'ideołozia de estrema drita che ła ga avesto ła so màsima difuzion inte ła Eoropa, inte ła prima metà del XX secoło. Ła se carateriza par na vizion nasionałista del sociałismo radegałe, popułista, statałista, cołetivista, rasista e totałitària. El ze nasesto suito dopo de ła prima guera mondiałe in Zermània.

El Partio Nasionalsociałista Todesco dei Lavoratori (NSDAP) soto de Adolf Hitler el zera montà al podere inte el 1933 trasformando el Reich todesco inte el perìodo 1933-1945 inte un totałitàrio "Stato Leader", ła Zermània nazista o Terso Reich, ispirà totalmente a l'ideołozia nasionalsociałista, a l'antisemitismo, al nasionałismo todesco e al panzermanismo. Co l'invazion de ła Połònia, inte el 1939 el ghea descaenà ła seconda guera mondiałe. L'esperiensa nazista cofà sistema de goerno ła se ga fìnia co ła rendesta incondisionada de l'ezèrsito todesco inte el 8 de majo del 1945 e ła vitòria miłitare de łe contraponeste forse liae.

El tèrmano "nasionalsociałismo" e el conceto de sociałismo nasionałe, che i susistea za prima del 1919 da almanco un trentènio e i ze stai variamente doparai, i se ghea vedesto confluire in cuel'ano inte el nome del DAP, Deutsche Arbeiterpartei, in realtà fondà inte el 1903 in Austria, el cuało nome el zera sta redoparà da Hitler par dopo renomenarse inte el 1920 cofà NSDAP. Hitler el ga defìnio i conceti de nasionałismo e sociałismo in magnera racuanto personałe: el nasionałismo el ze cità cofà: "ła devosion del sìnguło par ła so comunità nasionałe", mentre che el sociałismo el ze descrivesto cofà "na responsabiłità de ła comunità nasionałe par l'indivìduo".

Łe ze stae catae-fora dai stòreghi tante càuze che łe garia favorio el rivo del nasionalsociałismo; intrà ste cuà se recorda ła forte paura de na revołusion comunista che, data ła terìbiłe situasion ecònomega che ła zera drio vìvar ła Zermània, ła zera vedesta cofà iminente (in sto contesto se inserise anca l'inséndio del Reichstag). Na controrivołusion preventiva (drio łe parołe de Luigi Fabbri) ła zera vedesta cofà na sołusion par evitar na revołusion comunista. Ła svolta autoritària ła ze sta determenante inte el s-ciopo de ła seconda guera mondiałe e ła ghea zenarà un'inpresionante cuantità de morti e torture, forse sorpasando cueło che el saria suceso co na revołusion comunista.

Altri projeti

Altri progetti

• Wikimedia Commons

• Wikimedia Commons el detien imàjini o altri file so nazismo
• el detien schemi gràfeghi so

Linganbi foresti

• nazionalsocialismoTreccani.it – Enciclopedie on line, Istituto de ła Ençiclopedia Italiana.
• nazionalsocialismo, in Disionàrio de istòria, Istituto de ła Ençiclopedia Italiana, 2010.
• (IT, DE, FR) Nasionalsociałismohls-dhs-dss.ch, Disionàrio stòrego de ła Svìsara.
• (EN) NazismEnçiclopedia Britannica, Encyclopædia Britannica, Inc.
• (EN) Opere riguardanti NasionalsociałismoOpen Library, Internet Archive.