Nanotenołoxia

Da Wikipedia, l'ençiclopedia libara.
Jump to navigation Jump to search
Spigaso
Sta voxe rełativa a l'argomento siense e a xè soło che no spigaso
Spigaso

Ła nanotecnołoxia l'è un ramo de ła siensa aplicà e de ła tecnołogia che se òcupa del controło de ła materia su scała dimensionałe inferiore al micrometro, normalmente tra 1 e 100 nanometri, e de ła progetasion e reałixasion de dispositivi in tałe scała.

El termine "nanotecnoloxia" se ghe dixe xeneralmente a la manpolasion de la materia a livel atomego e molecolare e, in particolare, se rifarise a longhese de l'ordine de pochi pasi reticolari.

Storego[canbia | canbia el còdaxe]

Raprexentasion al computer de on "ingranajo" de dimension nanometrega.

La prima olta che se ga parlà de nanotegnoloxia (anca se no ciamada in sta manjiera), ƚa xé sta n'tel 1959 co Richard Feynman el ghea tegnuo on discorso ciamà There's plenty of room at the bottom.[1] Feynman el ghea dato un sujerimento so come xviƚupar la abiƚità de manipoƚare atomi e moƚecole diretamente, el cusì ciamà scale-down. El sujerimento el jera cheƚo de projetar na serie de machine utensiƚi, fate n'te ƚa scaƚa 1:10, e de conseguensa dopararli par xviƚupar e controƚar ƚa jenerasion suçesiva de utensiƚi, in scaƚa 1:100 e cusì via. Col xbasarse de ƚe dimension, jera na neçesità cheƚa de gaverli da dixegnare, par colpa del fato che el raporto intrà ƚe varie forse el jera canbià (pariva la condision de simiłitudine dinamega). Par ƚe dimension pì cee, de fati, ƚa contribusion de ƚa gravità, ƚa vegnea senpre manco pexante e n'tel contenpo divien senpre pì determinante ƚa contribusion de la tension superfiçałe e de ƚe forse de Van der Waals. Feynman de fati el ga tegnesto conto de ste problemadeghe de scaƚa.

El termine nanotecnoloxia l'è sta fato da Kim Eric Drexler, che ƚo ghea doparà n'tel 1986 n'tel so libro Engines of Creation: The Coming Era of Nanotechnology. N'tel cuarto capitoƚo, Drexler el buta drento el conçeto de autoreplicasion[2]. Come ƚe çeƚule ƚe se copia par riprodurse, cusì anca i robot moƚecoƚari projetai da l'omo i podaria replicarse. Come conseguensa, se garia che dopo i investimenti d'inisio so ƚa projetasion e costrusion del primo robot moƚecolare bon a auto-replicarse, i costi dei robot che vegnarà dopo, i saria trascurabiƚi. Sti stesi robot, co capaçità xenereghe (ciamai insenblatori) i podaria de conseguesa costruir ojeti pì speçaƚixai, doparando come materie prime par ƚa produsion i atomi, enerxia, el projeto software e el tenpo.

Ralph Merkle el ga conparà el conportamento de ƚa chìmega co ƚe nanotecnoloxie intentando de manipoƚar dei matoni cei, doparando dei guanti da puxiƚato: De fati prima de ƚa vegnua fora de ƚa nanotecnoloxia, i mancava i strumenti che i permetese de poxisionar on particoƚar atomo so na determinada poxision (in manjiera da ligarse co n'altro atomo sielto a caxo), e par sto cuà ƚa soƚa posibiƚità de proçesar on grando numaro de atomi, in manjiera che ghe posa esarghe na çerta probabiƚità statistega de otegnere el rixultà che se voƚeva otegnere. De fati da na determinada reasion chimega, se otien in xenare tante speçe de prodoti atomeghi difarenti. Na reasion chimega ƚa ga da esar seguia da on proçeso de filtrajo fixego, in manjiera da tirar fora le speçe che ne intaresa, dividendoƚe da cheƚe altre.

Al contrario, i proçesi nanotecnoloxeghi i prexenta na seletività major rispeto a ƚe metodoloxie de tradision. El xvilupo de la nanotecnoloxia la xé ligada al proçeso de scansion a efeto de sonda, orixinariamente xviƚupada come forma de microscopia avansada soto el nome de microscopio a efeto tunnel, e poco dopo studiata ben fin a produre na gran varietà de strumenti che i xé boni de sondar la materia co rixolusion pì grandi al miliardeximo de metro e co la posibilità de interajire co on atomo.

Anca se i progresi fati n'te la produsion de computer , n'te ƚa miniaturixasion dei çircuiti e n'te la manipolasion dei atomi, la costrusion de nanomachine la resta caxi inexistente fin al 2009 Nonostante i progressi svolti nella produzione di, nella miniaturizzazione dei e nella manipolazione di singoli atomi, la costruzione di nanomacchine rimane fino al 2009 allo stadio embrionale. tanti i mete in dubio che on nanorobot a autoreplicasion controlada la sia posibiƚe e i pensa che poƚe esarghe posibiƚità de mutasion, che i cava ogni controƚo e che i favorisa el xvilupo de mutasion patoxenedeghe[no ghe xé ƚa fonte]. I sostegnitori de ƚe nanomachine i risponde dixendo che i bateri, che i xé dei exenpi che xà funsiona de nanomachine, i xé projetai aposta par mutar veƚoçemente e che ƚe mutasion ƚe poƚe esar controlae co tecneghe de coresion dei erori xà doparae n'tei computer moderni[no ghe xé ƚa fonte]. Le riçerche so sto canpo i ga portà al xviƚupo de software de simuƚasion comee NanoCAD.


Descrision[canbia | canbia el còdaxe]


Lingambi e varie[canbia | canbia el còdaxe]


Controło de autoritàLCCN (ENsh91001490 · GND (DE4327470-5 · BNF (FRcb12304410b (data) · NDL (ENJA00907854
  1. Tradusion: "Ghe xé on mucio de spasio ƚà xò" intendendo come el mondo soto de ƚe dimension de ƚe moƚecole.
  2. varda anca la machina de von Neumann, o machina autoreplicante
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Nanotenołoxia&oldid=709465"