Gravità

Ła gravità l'è cuel fenòmeno naturałe che tuti i còrpi i se tira l'un vèrso l'altro. Ła gravità ła ghe dà pexo ai còrpi e ła łi fa cascar verso el sentro de ła Tèra cuando che i vien mołai.
La prima descrision dèl fenomeno ła xe sta dà da la łeze de gravitasion universale de Isaac Newton, che el pensava che la causa ła fosse una forsa che se propaga istantaneamente in tuto l'universo. Sta fòrsa la xe diretamente proporsionał al prodoto de le mase de i do corpi e inversamente proporsionał al cuadrado de ła distansa.
In fìxica modèrna, ła gravità ła vien descrita da ła teoria xenerałe de ła rełatività (de Albert Einstein) come el rixultato de na curvatura locale del spàçiotenpo.

Altri progetti

• Wikimedia Commons

• Wikimedia Commons el detien imàjini o altri file so Gravità
• el detien schemi gràfeghi so