Mare Tereza

Mare Tereza
	; Mare Terexa inte el 1988
Biografia
Nasimènto	(sq) Anjezë Gonxhe Bojaxhiu ; 26 de agosto del 1910 ; Skopje (Inpero Otoman)
Morte	5 de setenbre del 1997 (87 ani); Calcuta (India)
Càuza de morte	Insufisensa cardìaga
Liogo de sepełimento	Mother House Of The Missionaries Of Charity (en)
Superior zenerałe
Dati personałi
Rełijon	Catołicismo
Atività
Ocupasion	suora
Ełevasion
	2016 - santo, dezignà da Papa Francesco (Piasa San Piero); 2003 - beà, dezignà da Joani Poło II (Roma) ;
Festività	5 de setenbre
Fameja
Cògnuze	nisun vałore
Pare	Nikollë Bojaxhiu (en)
	(2 de zugno del 1997) medaglia d'oro del Congresso (it) ../... 29+ ;
	Segno
Sito web	motherteresa.org

Mare Terexa^[1], conosua anca come Mare Terexa de Calcuta, nome de batesimo Agnes Gonxha Bojaxhiu, par ła Céxa Catòłega Santa Mare Terexa (Skopje, odierna 26 de agosto 1910 – Calcutta, 5 de setenbre 1997), ła xe stà na suora albanese misionaria in India, 'ndo ła ga fondà łe suore Misionarie de ła Carità, conosue come łe suore de Mare Terexa.

Storia

Mare Terexa de Calcuta ła gera ła pì cea de tre fradei, fioa de Nikola e Drane Bojaxhiu. A 18 ani ła xe intrà ente ła congregasion de łe suore de Łoredo e ła xe 'ndà in India par continuar i studi. A Calcuta ła gera ła diretrixe de ła scoła catołega de Santa Maria de Entally, on soborgo benestante de ła sità. On dì in tel 1948, Mare Terexa ła jera in viajo so on tren e ła ga visto dei poareti, che no jera uxa frecuentarłi. Ła ga domandà el parmeso de vivar in na baracopołi e, in tel 1950, ła ga fondà łe suore Misionarie de ła Carità. El łaor de ste suore el xe: “laorar par i pì poari e vołerghe ben a tute łe persone che no łe xe amae, ben vosùe, né curae da ła socetà”.

Par divisa, Mare Terexa ła ga visù el sari, tipego vestio indian. Łe prime dodexe suore łe jera scuaxi tute so vecie ałieve. Ła prima caxa che Mare Terexa ła ga fondà ła se stà Casa Kaligat, na caxa de ła dioçesi de Calcuta costruia rente a on tempio Indù. I fedełi indù i ga protesta par ła presensa cristiana tacà al tempio e ła połisia ła ga dovesto intervenir. El comisario che el jera stà mandà a parar via łe suore el ga catà Mare Terexa che ła jera drio on butin mutiłato. Par sta roba, łe suore no łe xe stà mandà via. Suito dopo, łe suore łe ga scominsià na casa par veci e on lebroxario, senpre a Calcuta.

Mare Terexa ła xe deventà famoxa grasie a on documentario de ła tełevision inglexe BBC (1969). L’istituo fondà da Mare Terexa el cresea velocemete e el ga scominsià a verzar caxe anca fora dal India.

En tel 1979, Mare Terexa ła ga gavù el Pemio Nobel par ła Paxe. Dopo vari problemi de sałude, Mare Terexa ła xe morta el 5 setenbre 1997 a Calcuta. El goerno indian, senpre negativo co ła Ceza catołegha, el ga ordinà el luto nasional e organizà i funerałi de stato. El so corpo el xe stà portà postà su el canon uxà par i funerałi de Ghandi. Dopo do ani da ła so morte, el Papa el ga dà el parmeso de scominsiar el proçeso de canonixasion. Mare Terexa ła xe stà nominà Beata el 19 de otobre 2003 e santa el 4 de setembre 2016.

Notasion

↑ sevente altre grafie anca Mare Tereza

Wikimedia Commons el detien imàjini o altri file so Madre Teresa de Calcuta
Scholia el detien schemi gràfeghi so Mare Tereza

Controło de autorità	VIAF (EN) 95161232 · ISNI (EN) 0000 0001 2144 1401 · El vałore CFIV051337 de SBN no el xe mija bon. · LCCN (EN) n79144708 · GND (DE) 118642707 · BNF (FR) cb11887691t (data) · BNE (ES) XX917555 (data) · NLA (EN) 35543765 · BAV ADV11374067 · NDL (EN, JA) 00458486 · WorldCat Identities (EN) n79-144708

[1] sevente altre grafie anca Mare Tereza

[1]