Marangon
El Marangon l'è on Artexan che laora el legno, par far o riparar mobiłi e infisi. Se ga da far distinsion intrà łe tecneghe de ła tradision (de na olta), andove se dopara atresi manuałi, e el marangon moderno, che l'è intexo come laorasion del legno par ła produsion industriałe, grasie a ła doparasion de machine e atresadure mecaneghe de ultima jenerasion. Al dì de uncò łe tecneghe de marangonaria no łe njien caxi pì doparae par ła produsion de mobiłi e infisi de uxo comun, parché le xe stae sostituie da ła produsion a machina. Dito sto cua parò ghe xe da dire che algune de łe tecneghe de na olta le njien oncora doparae, łe continua a vivare, inte alguni canpi ben speçifeghi, come par exenpio l'ebanisteria, la produsion de strumenti muxegałi e el restauro.
Etimoloxia
[canbia | canbia el còdaxe]Marangon deriva da Mergo. I merghi i jera dei uxełi che i ndava pescare soto acua el pese par magnarlo. I marangoni de fati i ndava soto acua a Venesia par justar łe nave co problemi. Da cuà parte el nome, pasando da Mergo, maragon a marangon. Xà inte el XIV secoło se diferensiava i marangoni da nave e da caxa, st'ultmi łi doparava el legno par costruir infisi par łe caxe, par exenpio fenestre, balconi, porte, mobiłi e altri.
Sto mestiero el jera talmente inportante a Venesia che la Canpana major del canpaniłe de San Marco la xe sta ciamada Marangona.
Atresi del marangon
[canbia | canbia el còdaxe]- Compaso
- Metro
- Matita
- Scuara
- Banco
- Morseto de legno
- Asa par scuadrare
- Sega a man
- Ciodo
- Piana
- Tanaja
- Soraman
- Menaroła
- Raspa
- Coła
Rełijon
[canbia | canbia el còdaxe]El marangon pi conosùo xe San Giusepe.
Wikimedia Commons el detien imàjini o altri file so marangon
el detien schemi gràfeghi so
| Controło de autorità | LCCN (EN) sh85070643 · GND (DE) 4125471-5 · BNF (FR) cb11983363z (data) |
|---|