Mar dei Corałi

Da Wikipedia, l'ençiclopedia libara.
Infobox de zeografia fìzegaMar dei Corałi(en) Coral Sea Cànbia el vałor in Wikidata
Barriere-Riff.jpg
Cànbia el vałor in Wikidata
SorteMar marzenałe Cànbia el vałor in Wikidata
Parte deOsèano Pasìfego Cànbia el vałor in Wikidata
Liogo
Rejon aministrativaAustràlia Cànbia el vałor in Wikidata
18°S 158°E / 18°S 158°E-18; 158 (Mar dei Corałi)Coordinae: 18°S 158°E / 18°S 158°E-18; 158 (Mar dei Corałi)
ìzołe interneArsipełago Luisiad, Nova Całedonia,
Prodondità9 175 m Cànbia el vałor in Wikidata
Àrea4 791 000 km² Cànbia el vałor in Wikidata
Mezure e indegadori
Escursion tèrmega / ano19 [1] 27 [2] ⇔ 24 [1] 28 °C [2]} ºC


El Mar dei Corałi (Coral Sea in inglexe) el xe un mar adiasente che fa parte de l'Oseano Pasifego Meridional e se cata a cavało del Tropico del Capricorno, tra łe coste de l'Austrałia a sudest e łe ìzołe de ła Mełanexia a nord e a ovest.

El ciapa el so nome da ła Gran Bariera Corałina che caraterixa łe so coste verso el continente.

El comunica verso nordest co eł Mar dei Arafura tramite el Streto de Tores, verso nord co el Mar de łe Sałomone, e verso sud co el Mar de Tasman. La so parte pi setentrional, łongo łe coste de ła Nova Guinea, se ciama Golfo de Papua, sempre a nord el toco xusto a est de ła Penìzoła de Cao Jorc se ciama Baja de ła Prinsipesa Carlota.

Zeografia fixica[canbia | canbia el còdaxe]

El xe un mar veramente tanto grando, e anca tanto fondo. La parte setentrional ła forma el Basin del Mar dei Corałi (fondo 4612 m), e a nordest se cata do fòse oseaniche: cheła de łe Sałomone (fonda 8310 m) e cheła Setentrional de łe Nove Ebridi (fonda 9175 m). Un rilievo marin tanto grando el xe el Platò del Cuinslan, a nordest de ła gran Bariera.

Sto mar el coverse ła piataforma continental inte ła so parte osidental, al sentro un fondal oseanico che se ga formà inte el senosoico inferior, co che jera drio a versarse na nova dorsal a est de l'Austrałia, e sul marxene oriental un importante arco insułar. Le so coste orientałi le xe particołarmente sogete al risċio de zunami, in particołar chełe de łe Sałomone e de łe Nove Ebridi, indove che se cata vulcani ativi.

De łe corenti oseaniche calde el ło atraversa in senso est-ovest da łe Ixołe Sałomone a ła Nova Guinea, indove che łe se separa inte ła Corente Sudecuatorial verso ovest e Corente de l'Austrałia Oriental verso sud.

El fiume pi importante che el se jeta intełe so acue el xe el Flai.

Tra łe ìzołe al so interno invese ghe xe l'Arsipełago Luisiad, la Nova Całedonia, łe ìzołe Cesterfild, e sora-de-tuto chełe formae da ła Gran Bariera Corałina.

Zeografia umana[canbia | canbia el còdaxe]

Su łe so coste se cata łi Stati de Austrałia, Papua-Nova Guinea, Sałomone e Vanuatu, e el teritorio franxese de oltre mar de ła Nova Całedonia.

Le sità pi grandi de łe so coste łe xe Brisben, Gold Cost e Port Moresbi; tra i sentri de pesca se połe anca ricordar Mec Cei e Tounsvil.

No el xe un mar particołarmente pescoxo, ma se pol catar tóni e sardełe a sud, sgonbri łongo ła penìzoła de Cao Jorc e sora-de-tuto perle, inte el Streto de Tores, e inte łe aque de tuti łi arsipełaghi de ła Mełanexia.

Inte el Golfo de Papua se estrae gas naturałe, preso el campo de Pasco.

Note[canbia | canbia el còdaxe]

  1. 1,0 1,1 al sud
  2. 2,0 2,1 al nord

Altri Projeti[canbia | canbia el còdaxe]

Linganbi foresti[canbia | canbia el còdaxe]

Controło de autoritàVIAF (EN170209720 · LCCN (ENsh90002547 · GND (DE4295970-6 · BNF (FRcb15298873d (data) · BNE (ESXX5163181 (data) · WorldCat Identities (EN170209720
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mar_dei_Corałi&oldid=1088542"