Mar de Tasman

Da Wikipedia, l'ençiclopedia libara.
Infobox de zeografia fìzegaMar de Tasman
Mezurasion2 200 (larghesa) km
Tasman sea.jpg
Cànbia el vałor in Wikidata
SorteMar Cànbia el vałor in Wikidata
EpònemoAbel Tasman (it) Traduzi Cànbia el vałor in Wikidata
Parte deOsèano Pasìfego Cànbia el vałor in Wikidata
Liogo
Rejon aministrativanisun vałore Cànbia el vałor in Wikidata
37°S 161°E / 37°S 161°E-37; 161 (Mar de Tasman)Coordinae: 37°S 161°E / 37°S 161°E-37; 161 (Mar de Tasman)
ìzołe interneŁord Hau
Prodondità5 994 m Cànbia el vałor in Wikidata
Dimension2 200 (larghesa) km
Àrea2 300 000 km² Cànbia el vałor in Wikidata
Mezure e indegadori
Escursion tèrmega / ano15 ⇔ 20 °C} ºC
Sałinità35,0 ‰


El Mar de Tasman (in inglexe Tasman Sea, in maori Te Tai-o-Rehua) el xe un mar adiasente de l'Osèano Pasìfego Meridional.

El se ciama anca Mar de Tasmania. El so nome, riva diretamente o indiretamente, dal navigator ołandexe Abel Tasman, che ga descoverto sti łoghi.

El se cata tra le coste orientałi de l'Austrałia e de ła Tasmania a est, e łe coste osidetałi de ìzołe de la Nova Xełanda a ovest. El comunica a nord co el Mar dei Corałi, a sudest co ła Gran Baja Austrałiana tramite el Streto de Bas, a sud e est co l'Osèano Pasìfego, sia diretamente che atraverso el Streto de Cuc che atraverso el Streto de Fovò. Al nord de l'Ixoła del Sud una so porxion se ciama Baja de Tasman, mentre un altra Baja de Oro (in inglexe Golden Bay); preso l'ìzoła del Nord se cata ła Baja de Taranaki meridional int'el meridon e ła Baja de Taranaki setentrional a ponente.

Zeografia fixica[canbia | canbia el còdaxe]

El mar xe grando e fondo. I so fondałi i xe costituii xeneralmente da crosta osèanica. Inteła so parte meridional se cata el Basin de Tasman, a nordovest ła Platea de Tasman, e a nordest el Basin de la Nova Całedonia separà da ła Soja de Łord Hov e dal Platò de ła Ċełenger (in inglexe Challenger Plateau).

Sto mar el coverse da ovest verso est un basin solcà da na dorsal oseanica inativa, el microcontinente somerso de Sełandia, e un inportante arco insułar. El se ga formà intel Senosoico par l'apertura de na nova dorsal che ga separà ła piataforma continental de l'Austrałia a ovest e cheła de la Selandia a est. Le so coste orientałi che se cata su un area a sismisità ełevata e co vulcani ativi,podaria eser sogete a risċio zunami.

Sto mar el xe atraversà inteła so parte osidental da ła corente calda de l'Austrałia Oriental, inteła so parte oriental da na corente freda che ła se destaca da ła Corente Antartega. Durante l'inverno austral in sto mar ghe xe de frecuente condixion de burasca.

L'unica ìzoła notevołe al so interno ła xe cheła de Łord Hau.

Zeografia umana[canbia | canbia el còdaxe]

I unici paexi che łi se cata su łe so coste łi xe l'Austrałia e ła Nova Xelanda.

Le so sità pi grande łe xe ła metropołi de Sidnei, Ocland, Niucastl, Uołongong e Obart; un inportante sentro de pesca el xe Bega.

No el xe un mar particołarmente pescoxo, ma se pol catar tòni e ostreghe al nord, bacała łongo łe coste de ła Nova Xełanda.

Inteła Baja de Taranaki meridional se estrae gas naturałe preso el campo de Maui.

Altri Projeti[canbia | canbia el còdaxe]

Linganbi foresti[canbia | canbia el còdaxe]

Controło de autoritàVIAF (EN245388908 · GND (DE4384782-1 · WorldCat Identities (EN245388908
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mar_de_Tasman&oldid=1056851"