Luisa Corna

Da Wikipedia, l'ençiclopedia libara.
Luisa Corna
Luisa Corna.jpg
SitadinansaItałia
Nasimento2 de disenbre 1965, Palazzolo sull'Oglio
MorteCànbia el vałor in Wikidata
Łéngue parlaeŁengua itałiana
Ocupasion
Discografia
Àlbun2
Stùdio2
ZènarePop, Blues, Rock
StrumentoVoxe Cànbia el vałor in Wikidata
OciNoxa Cànbia el vałor in Wikidata
CavejiNeri (it) Traduzi Cànbia el vałor in Wikidata

Sito ufisiałe
IMDB: nm0180092
Musicbrainz: 62275ddf-c2ad-4433-9038-cda2e11be50f Songkick: 795298 Discogs: 1888656


Luisa Corna (Palazzolo sull'Oglio, 2 disenbre 1965) xe na cantante, prexentatora tełevixiva, atora e modèła itałiana.

Come cantante ła gà partesipà al Festival de Sanremo 2002 in cùbia co Fausto Leali e ła gà publicà do dischi, cofà condutrice ła gà prexentà tra l'altro i programi Tira e molla, Notti Mondiali, Si ze proprio lui, Sognando Las Vegas e Domenica In, come atora ła gà recità inte el film Al momento giusto de Giorgio Panariello e ne ła fiction Ho sposato uno sbirro-

Biografia[canbia | canbia el còdaxe]

I exordi[canbia | canbia el còdaxe]

Luisa Corna gà tacà ła so carièra sfiłando par Dolce & Gabbana, Mariella Burani e Missoni, e puxando par fotografi cofà Fabrizio Ferri e Helmut Newton, fasendo na conparsa anca in alcuni spot.

Drìoman ła gà studià recitasion e dision al Centro Teatro Attivo e al Centro Profession Musica.

Ła gà tacà cantàre a 18 ani co ła Tequila Band e inte el 1992 gà partesipà al Festival de Castrocarp par i xoveni tałenti, rivando segonda co el brano Dove vanno a finire gli amori scrito da Depsa.

Inte el 1997 ła gà fato na aparision inte el ròło de ła dea Kalì inte el film Nirvana de Gabriele Salvatore.

El suceso[canbia | canbia el còdaxe]

Inte el bienio 1997/98 ła xe stàda cantante fisa de Domenica in e inte el 1998 gà afiancà Giampiero Ingrassia prexentando Tira e molla, programa che el ga vista anca cantàr in quanto cantante. Dal 1999 al 2002 l'è stà la prexensa feminiłe fisa inte el programa sportivo Controcampo, in conpagnìa de Sandro Piccini.

Inte el steso periodo ła gà recità inte el film Al momento giusto, de e co Giorgio Panariello, (2000), inte el ròło de ła fotoreporter Lara e inte el 2001 gà prexentà al Teatro Ariston Sanremo si nasce, co Michele Cucuzza e Massimo Lopez.

Inte el 2002 ła gà partesipà, come cantante in gara fasendo cùbia co Fausto Leali, al Festival de Sanremo 2002 co ła canson Ora che ho bisogno di te, clasificandose al quarto posto, e ła gà prexentà prima Notti mondiali, co Marco Mazzocchi e Giampiero Galeazzi, po' Si ze proprio lui, varietà co ła regia de Pier Francesco Pingitore dedicà a ła scoverta de nòvi comici e imitatori.

Ła gà fato altre do condusion de łe edision dal 2002 al 2006 de Napoli prima e dopo, programa muxicałe dedicà a ła muxica partenopea; de Sognando Las Vegas inte el 2003, varietà tełevixivo trasmeso el sabo sera in 10 spontàde, e del premio Le Grolle d'Oro trasmeso so Raiuno da Saint-Vincent.

Giorgio Albertazzi inte el 2004 ła gà vosùa inte el ròło de ła maga Circe in una version teatrałe de l'Odisea, indove ghe gà dà voxe anca a łe sirène. Inte el steso ano ła gà inprestà ła so voxe anca al personaxo de Lola in Shark Tale, che ne ła version orixinałe xe dopià da Angelina Jolie.

Inte el 2004, 2005, 2007 so Rai 1 ła gà prexentà: el Premio Barocco, riconosimento de ła celénsa itałiana; inte el 2005 dal teatro de Taormina, La Kore, kermesse dedicà ai maxori stiłisti itałiani, in cùbia co Valeria Marini, e oncora inte el 2005 el David di Donatello, in conpagnìa de Mike Bongiorno.

El 31 marso 2006 xe insìo el so primo disco, intitołà Acqua futura, che gà undexe canson, tra cui ła title track scrita co Gatto Panceri, L'ultima luna scrita da Renato Zero e Santa Vita cover de St. Teresa de Joan Osborne.

Ne l'edision 2006/07 de Domenica in...L'Arena ła gà dotà co cantanti de diversi xeneri muxicałi ne ła so sesion canora drento al programa. Ne łe edision drìo 2007/08 e 2008/09 ła so sesion canora xe stà spostà in Domenica in... Rosa

Ła gà recità co Flavio Insinna ne ła fiction Ho sposato uno sbirro (2008) e in quel'altro sucesivo Ho sposato uno sbirro 2 (2010), inte el ròło de publico ministero Lorenza Alfieri.

Inte el novenbre 2010 xe insìo Non si vede in silenzio, so segondo disco, che gà 2 Sillabe, brano sonà da Alex Britti, e diverse cover tra cui ła title track de Gino Paoli e Corri e vai; version itałiana de Run Baby Run de Sheryl Crow. El disco xe publicà da l'eticheta discografega de Joe&Joe.

Inte el 20120 ła gà partesipà al talent de Rai 1 Tale e Quale Show ne łe vesti de Renato Zero (prima pontàda), Mina (segonda pontàda) e Liza Minnelli (quarta ed ultima pontàda); sucesivamente ła partesìpa al torneo dei canpioni del programa interpretando Amii Stewart (prima pontàda), Mariah Carey (segonda pontàda) e Rita Pavone (tersa pontàda), mentre ne ła quarta e ultema pontàda ła se exibise da nòvo cofà Whitney Houston.

Discografia[canbia | canbia el còdaxe]

Albun[canbia | canbia el còdaxe]

Singołi[canbia | canbia el còdaxe]

Tełevixion[canbia | canbia el còdaxe]

Filmografia[canbia | canbia el còdaxe]

Teatro[canbia | canbia el còdaxe]

Note[canbia | canbia el còdaxe]

  1. Scheda film Nivana so IMDBimdb.com. URL vardà il 27 ottobre 20101.
  2. Scheda film Al momento giusto so IMDBimdb.com. URL vardà il 27 ottobre 20101.

Altri progeti[canbia | canbia el còdaxe]

Łigadùre foreste[canbia | canbia el còdaxe]

Controło de autoritàVIAF (EN232828017 · ISNI (EN0000 0004 0785 3831 · SBN (ITIT\ICCU\CAGV\412558 · WorldCat Identities (EN232828017
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Luisa_Corna&oldid=1050788"