Love Me (Elvis Presley)

Modeło:Brano musicaleLove Me el ze un brano muzegal conponesto da Jerry Leiber e Mike Stoller e rendesto séłebre da Elvis Presley inte'l 1956.

El brano[canbia | canbia el còdaxe]

Consepìa cofà na parodia de ła mùzega country & western, ła canson ła jera stà orizenariamente insidesta da'l do R&B Willy & Ruth inte'l 1954 (n° cat. Spark 105), vadanjandose na recension so'l nùmaro de Billboard de'l 14 agosto. El disco el ze stà presto seguìo da altre varsion de'l brano da parte de Georgia Gibbs, Connie Russell, Billy Eckstine, Kay Brown, The Four Escorts, The Billy Williams Quartet, The Woodside Sisters, The DeMarco Sisters, e Jimmie Rodgers Snow. Tante de 'ste varsion łe ze stà ben acołiesta da'l pùblego, ma nisuna ła se ga revełà un vero e propio suceso.

Elvis Presley el ga rezistrà ła canson el 1º setenbre 1956 par l'incluzion inte'l só segondo àlbun, Elvis (RCA Victor, LPM-1382), publegà el 19 otobre. La trasa ła zera stà anca insarìa so l'EP Elvis Vol. 1 (RCA Victor, EPA-992). La varsion de Presley ła ze montada fin a ła segonda pozision inte ła clasifega Billboard Hot 100 inte i Stati Unìi. Love Me ła ga otenjesto anca ła sètema pozision inte ła clasifega R&B. Tutavia, a l'època el brano no'l ze stà publegà so 45 ziri par evitar confuzion co Love Me Tender, altra séłebre bałada sentimentałe de Presley. Elvis el ga ezeguìo Love Me inte'l corso de ła só aparision all'Ed Sullivan Show de'l 28 otobre 1956; e el ga reciapà in sèito ła canson in ocazion de'l Comeback Special de'l 1968, par po' reproponerla inte'l corso dei só numarozi conserti inte i ani setanta.

Cover[canbia | canbia el còdaxe]

Johnny Burnette el ga insidesto Love Me inte'l 1960, inte na varsion sìmiłe a cueła de Presley, includendola inte l'àlbun Dreamin' (Liberty LST 7179) e publegandoła su singoło come łado B de ła title track.^[1]

El muzeghista country Davis Daniel inte'l 1991 so l'àlbun Fighting Fire with Fire.

Engelbert Humperdinck el ga includesto ła só varsion de'l brano inte l'àlbun Definition of Love de'l 2003.

El grupo country The Little Willies el ga reinterpretà el brano inte l'àlbun The Little Willies de'l 2006.

Na varsion da'l vivo de ła canson ła zera stà publegada da Billy "Crash" Craddock so l'àlbun live de'l 2009 Live -n- Kickin'.

Rifarimenti in altri media[canbia | canbia el còdaxe]

Inte'l film Cuore selvaggio de David Lynch, el parsonajo de Sailor Ripley (intarpretà da Nicolas Cage) el canta ła canson inte un bar dedicandogheła a ła só amada.

Love Me ła zera stà includesta inte'l musical Smokey Joe's Cafe, in medley con Don't, altro brano de Elvis.
Inte l'epizodio 21 de ła cuinta stazon de Hawaii Five-0, Jorge Garcia el canta na varsion de Love Me inte un tributo a Elvis.