LibreOffice

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Pàjina de benvenjùo de LibreOffice

LibreOffice el ze un software łìbaro de produtività parsonałe multipiataforma prodoto da The Document Foundation, nato da'l fork de OpenOffice.org. LibreOffice el ciapa rento na serie de programi par l'ełaborasion de testi, foji de càlcoło, prezentasion, gràfeghi e dizenji, database e fórmułe matemàteghe e el ze conpatìbiłe anca co łe altre suite par ofisio, fra łe cuałe Microsoft Office (ła conpatibiłità co'l formato OOXML ła ze in progresivo mejoramento). El pacheto el ze desponìbiłe in 108 łengue par i sistemi oparadivi Microsoft Windows, macOS, GNU/Linux e Android.

El nome el ze otenjesto da ła conpozision in notasion a cameło fra ła paroła Libre (che ła vol dir "łìbaro" in spanjoło e franseze) e Office (che ła vol dir "ofisio" in ingreze e franseze).

Caratarìsteghe[canbia | canbia el còdexe]

Ła suite, che ła suporta nativamente el formato de file OpenDocument, ła gode de na bona conpatibiłità co chel'altre suite de'l setor e ła ze desponìbiłe per GNU/Linux, macOS, Microsoft Windows e ła ga calche inplementasion inte i sistemi oparadivi par dispozidivi mòbiłi. El so dòparo inte łe distribusion GNU/Linux el ze difondesto asè, e par łore A ghe ze anca ła varsion a 64 bit. The Document Foundation ła produze na nova varsion rełevante (pì release) de LibreOffice onji sie mezi e, eventualmente, ła se łinea co'l parìodo de distribusion marso/setenbre de altri projeti open source rełevanti.

Ła fondasion, inazonta, ła mantien do varsion difarente de LibreOffice. L'ùltema varsion ła ze desponìbiłe cofà anteprima de łe nove funsionałità inplementàe (na sorta de beta), domente che ła varsion presedente ła se revolze a i utenti che i prefarise ła stabiłità de ła suite.

Conponenti[canbia | canbia el còdexe]

I conponenti de LibreOffice i ze i stesi de OpenOffice.org, che da cueło A ze derivà:

Conponente Descrision
LibreOffice 4.0 Writer Icon.svg
Writer El ze un word processor co funsionałità conpanje e suporto a i file de Microsoft Word e WordPerfect. El ga caratarìsteghe WYSIWYG progredìe, ma el pol anca venjer doparà cofà editor de baze.
LibreOffice 4.0 Calc Icon.svg
Calc El ze un fojo ełetrònego, sìmiłe a Microsoft Excel o Lotus 1-2-3. El ga un serto nùmaro de caratarìsteghe ùneghe, infra łe cuałe un sistema che'l defenise automategamente ła serie de gràfeghi, so ła baze de łe informasion desponìbiłe par l'utente.
LibreOffice 4.0 Impress Icon.svg
Impress El ze un programa par ła creasion de prezentasion multimediałe sìmiłe a Microsoft Powerpoint. Łe prezentasion łe pol èsar esportàe cofà file SWF, in modo da poder èsar vizuałizà so calsìase computer che'l gae instałà Adobe Flash.
LibreOffice 4.0 Base Icon.svg
Base El ze un programa de creasion e jestion de database, sìmiłe a Microsoft Access. LibreOffice Base el parmete ła creasion e ła jestion de baze de dati, ła preparasion de màscare e rezoconti che i fornise a i utenti finałi un fàsiłe aceso a i dati. Cofà Access, el pol èsar doparà cofà front-end par sistemi de database, fra i cuałi database de Access (JET), fonte de dati ODBC e MySQL, Firebird SQL o PostgreSQL
LibreOffice 4.0 Draw Icon.svg
Draw El ze un programa de gràfega vetoriałe e un strumento de diagrami sìmiłe a Microsoft Visio e paragonàbiłe par caratarìsteghe a łe prime varsion de Corel Draw. El fornise conetori tra łe forme, che łe ze desponìbiłi inte na gama de stiłi de łinea par fasiłitar el dizenjo de diagrami de fluso. L'include anca caratarìsteghe sìmiłi a'l software de desktop publishing cofà Microsoft Publisher e Scribus.
LibreOffice 4.0 Math Icon.svg
Math El ze un programa par l'ełaborasion de fòrmułe matemàteghe. L'aplegasion ła dòpara na variante de'l łenguajo XML par ła creasion de fórmułe, come defenìo inte ła spesìfega OpenDocument. 'Ste fòrmułe cuà łe pol èsar incorporàe inte altri documenti de ła suite LibreOffice, cofà cuełi creà da Writer o Calc, metendo rentołe fórmułe inte'l documento.

LibreOffice el ga inazonta un creador de PDF incorporà e un strumento de inportasion de file PDF. Grasie a ła só łisensa LGPL, A ze stà reałizà na varsion portàbiłe de LibreOffice.