Laridae

Laridae

Larus marinus (it)
Tasonomia
Fameja	Laridae Vigors, 1825

I cocai (al singołar cocal, Laridae) i xe na fameja de oxełi de mar del'órdene dei Caradriiformi. El gènare prinçipałe de sta fameja el xe el Larus. Anca si i xe oxełi de mar, tante cołonie łe vive su grandi łaghi (par exenpio el łago de Garda) o se ciapa da magnar 'ntel'entrotera.

Se trata de oxełi de mar co ałe longhe e bechi robusti, de łe volte lexermente adunchi. Łe ałe łe xe sołitamente de cołor bianco, grixo o nero e inte i jóveni anca maron. A seconda de ła spece i jóveni i inpiega da dó a quattro ani prima de rivar ała łivrea d'adulto. En sta faxe canbia i cołori de łe pene, quełi del beco, de łe sanpe e dei oci.

Qualche spece ła canbia el cołor del piumajo a difarensa de ła stajon. I sesi no i se distingue dal piumajo.

Sołitamente i vive in cołonie, i nidifica łongo łe coste o in zone ùmede e aque interne. I magna pesi, vovi, carogne picenine, avansi (anca dei ómini, 'ntełe descàreghe). No i disdegna inseti grandi (cofà łe łibełułe) o picenini (cofà siami de formighe vołanti) o vermi (speso dopo łe aradure).

El nome "Cocàl" el derìva dal greco antigo kauk(i)àles e kaukalìas nome de oxeło drio Esichio.

Classificazione

• Larus
  • Cocałeto (Larus minutus)
  • Cocal comun (Larus ridibundus)
  • Cocal corałin (Larus melanocephalus)
  • Cocal corso (Larus audouinii)
  • Cocal del Pallas (Larus ichthyaetus)
  • Cocal d'Islanda (Larus glaucoides)
  • Cocal de Sabine (Larus sabini)
  • Cocal de Bonaparte (Larus philadelphia)
  • Cocal glauco (Larus hyperboreus)
  • Cocal reałe nòrdego (Larus argentatus)
  • Cocal reałe mediteraneo (Larus michahellis)
  • Cocal del Caspio (Larus cachinnans)
  • Cocal roxeo (Larus genei)
  • Cocal sghignasante (Larus atricilla)
  • Gavina (Larus canus)
  • Gavina mericana (Larus delawarensis)
  • Mugnaiacio (Larus marinus)
  • Zaferan (Larus fuscus)
  • Larus scoresbii
  • Larus pacificus
  • Larus belcheri
  • Larus atlanticus
  • Larus crassirostris
  • Larus modestus
  • Larus heermanni
  • Larus leucophthalmus
  • Larus hemprichii
  • Larus californicus
  • Larus dominicanus
  • Larus glaucescens
  • Larus occidentalis
  • Larus livens
  • Larus thayeri
  • Larus smithsonianus
  • Larus vegae
  • Larus armenicus
  • Larus schistisagus
  • Larus brunnicephalus
  • Larus cirrocephalus
  • Larus hartlaubii
  • Larus novaehollandiae
  • Larus scopulinus
  • Larus bulleri
  • Larus maculipennis
  • Larus saundersi
  • Larus serranus
  • Larus relictus
  • Larus fuliginosus
  • Larus pipixcan
• Rissa
  • Cocal tridatiło (Rissa tridactyla)
  • Rissa brevirostris
• Pagophila
  • Cocal d'avorio (Pagophila eburnea)
• Rhodostethia
  • Cocal di Ross (Rhodostethia rosea)
• Xema
  • Xema sabini
• Creagrus
  • Creagrus furcatus

Altri progetti

• Wikimedia Commons
• Wikispecies

• Wikimedia Commons el detien imàjini o altri file so Cocal
• Wikispecies el detien informasion so Cocal