La (nota)

El la el xe na nota mùxicałe de ła scała diatonega fondamentałe (l'unica scała priva de diexis e de bemołe, inte i so diversi sete modi) in particołare ła xe ła sesta nota de ła scała majior de Do, ma anca ła prima nota (ła tonica) de ła scała minore de La, o sia ła scała minore "fondamentałe", e in xenerałe el xe prexente in tuti i 7 modi de ła scała diatonega fondamentałe.

Ła frequensa del la sora el do sentrałe (la₃ in Itàlia, Spagna e Fransa, A₄ inte ła notasion sientifega dell'altesa) ła xe definia par convension a 440 Hz, vałore stabilìo da ła conferensa internasionałe de Londra del 1939. In precedensa, se uxava de frecuente łe frequense d 432 hertz e 435 Hz, ma, a seconda del posto, del periodo e del tipo de mùxega, el la₃ el podeva variar tra i 390 e 460 Hz (sol/si): ła prima ła xera ła frequensa del la dopàra in Fransa e a Roma inte el periodo baroco, ła seconda xera el tono da chiesa veneziano inte el XVII secolo.

Łe frequense de tute łe altre note łe xe calcołàe a partir dal la₃.

El la₃ el xe de fondamentałe inportansa, parché ła xe ła nota dei diapason. Al de fora dell'anbito mùxicałe, numeroxe aplicasion tecnighe i uxa el la₃ come "frequensa stàndar", cofà el monoscopio de ła RAI e el tono de libaro del tełefono, che all'ocorensa i pòl esar dopàrai cofà diapason.

Frequensa audio a 440 Hz corispondente al la₃

Inte ła notasion in uxo inte i paexi de łéngua inglexe e todésca, el la corisponde a ła nota A.

Ła poxision de ła nota La₃ (A₄) sol pentagrama in quatro ciavi, de viołin, de contralto, de tènor e di baso.

• el detien schemi gràfeghi so