Lìcuido

Da Wikipedia, l'ençiclopedia libara.
Efeto de na giósa cascada su na superfisie de acua

El lìcuido el xe un dei stati de ła materia.

Propietà[canbia | canbia el còdaxe]

Bromo, se nota l'alta vołabiłità de sto ełeménto chìmego che, insieme al mercurio el xe l'ùgnoło lìcuido a tenperadura anbiénte e 1 atmosfera de presion.

Łe só propietà prinsipałi łe xe:

  • fluidità: un lìcuido el xe un flùido che, in asénsa de forse foreste infrà łe cuałi cuéła de gravità, ła ga na fórma sfèrega. I lìcuidi, a cauxa de ła limitada forsa de coexion infrà łe mołècołe, łe xe scorévołi, overosìa flùidi. Se dixe dónca che "no łe ga na só fórma". In ogni caxo miga tuti i lìcuidi i xe guałivamente flùidi, cusì se dixe che l'ètere el xe più flùido del'acua o anca che l'acua ła xe più viscóxa del'ètere.
  • ełasteghità: i lìcuidi i xe asae ełàsteghi, overosia i se defórma fasilmente soto l'asion de na forsa e i se tol sùbito ła fórma orixenal pena che ła moła l'asion de ła forsa deformadora.
  • inconprimibiłità: un lìcuido el xe un flùido el cui vołume el xe costante a tenperadura e presion costanti; ła conprimibiłità dei lìcuidi el xe in gènere asae basa, e trascuràbiłe se paragonada a cuéła dei gas, dónca i lìcuidi i xe considerai inconprimìbiłi. Anca se i ga un coeficénte de conprimibiłità che el se desferénsia in funsion de ła natura del lìcuido stéso, alguni de sti cua lìcuidi come l'acua i xe stai provai a presion fin a 10 000 bar dando variasion asae pìcołe, invése altri come i idrocarburi i ga sensìbiłi variasion co presion de 100 bar.

Generalmente, na sostansa al stato lìcuido ła xe manco dénsa che al stato sòłido, ma n'inportante ecesion ła xe costituida dal'acua.

Caraterìsteghe[canbia | canbia el còdaxe]

Łe mołècołe o àtomi che i costituise el lìcuido i interagise infrà łóri, seben no forteménte come inte el sòłido. I no sta miga infrà łóri in poxision fise i scor i uni su st'altri, seben se ipotixi l'existénsa de gabie bastansa stàbiłi, in lìcuidi coi forti ligami intermołecołari come l'acua.

I lìcuidi i se destingue in:

  • vołàtiłi (par exenpio el benzene o'l bromo), indove i ligami infrà łe mołècołe costituénti el lìcuido i xe débołi
  • no vołàtivi (come el mercurio), indove i ligami infrà łe mołècołe costituénti el lìcuido i xe forti

Inte un canpo gravitasional costante, come che càpita, co aprosimasion, su ła superfisie terestre, ła presion inte un lìcuido fermo ła xe guałiva a

indove ła xe ła densità del lìcuido (che se consìdera uniforme) e ła xe ła profondità del pónto consideràto, ła presion a ła superfisie lìbara e l'acełerasion de gravità.

Bibliografia[canbia | canbia el còdaxe]

  • Luigi Rolla, Chimica e mineralogia. Par le Scuole superiori, 29ª ed., Dante Alighieri, 1987.

Varda anca[canbia | canbia el còdaxe]

Controło de autoritàLCCN (ENsh85077404 · GND (DE4017621-6 · NDL (ENJA00561895
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Lìcuido&oldid=1030746"