Juto:Categorie

Wikipedia no ła nase cofà na ençiclopedia sistematega. Anpò ła parmete ła clasifegasion ordinà del saver: ogni voxe o pajina ła vien inseria inte na categoria apriopià. Par exenpio sta pajina de juto ła se trova inte ła Categoria:Juto, invese ła voxe "Prà de ła Vałe" ła se cata inte ła Categoria:Pàdoa. Inserir na categoria inte na voxe no xe altro che categorixar cheła voxe. Ła/łe categoria/e de apartenensa de na voxe/pajina łe se cata in fondo a ła pajina.

– Sporteło informasion

Funsionamento

Łe categorie łe xe na funsion del software MediaWiki: traverso 'l inserimento manuałe da parte de i utenti de apoxiti comandi inte łe voxe, se produxe autamategamente vachete tełematiche che łe juta el letor a seguir percorsi de letura; łe pajine che łe contien ste vachete łe xe indentificae da 'n apoxito prefiso inte el titoło (Categoria:) e łe apartien cuindi a un namespace separà da łe voxe vere e propie de l'ençiclopedia (che łe se cata inte el namespace prinsipałe).

• Metare na pajina inte na categoria xe fasiłisimo: basta xontar un wikilink a ła categoria che se vołe. El link cusì creà no'l vien vixuałixà inte el ponto 'ndove el vien inserio, ma inte na apoxita area in fondo a ła pajina. Se na voxe ła apartien a pì categorie basta xontarle tute drio man, par exenpio:

[[Categoria:Lagune]]
[[Categoria:Venesia]]

Par convension łe categorie łe ve mese senpre in fondo a ła pajina, suito prima de i interlink, una par riga e in ordene alfabetego.

Atension: se se vołe metare un link a na categoria faxendo in modo che el vegne fora 'nte'l ponto de ła pajina doe el vien meso, cofà un normałe wikilink e che ła pajina no ła vegna categorixada in cheła categoria, cogna xontarghe do punti inte el wikilink in sto modo: [[:Categoria:NomeCategoria]].

• Crear na nova categoria xe soło che un fià pì conplicà: basta crear na nova pajina che ła gabia par prefiso ła paroła speçiałe Categoria seguia da do ponti (overosipia Categoria:) e dal nome de ła categoria 'stesa. Ste pajine che łe apartien cusita a un namespace difarente da cheło de łe voxe normałi, le xe categorie de Wikipedia. Łe categorie łe contien e łe xe contegnue da latre categorie, se vien cusita a creare un sistema de navegasion infrà łe varie pajine, che'l permete de troar in presa łe voxe corełae tra de łere par argomento. A ła categoria p' xenerałe de tute, che ła dovaria contegner (indiretamente) tute łe altre, xe sta dato el nome de Categoria:Categorie.

• Spostare na categoria co'l titolo sbałià. Na categoria no pol esare spostà come łe altre pajine de Wikipedia. Lexi Juto:Sposta#Spostare łe categorie
• Ordenar e mantegner łe categorie. Ła strutura de łe categorie no ła xe predeterminà, ma ła vien costruia automategamente e dinamicamente dal software MediaWiki: so ła baxe de łe atribusion de łe singołe pajine el trova chełe che łe apartien a na 'stesa categoria e el costruise ła lista, ordenà (scuaxi) alfabetegamente, da prexentar inte ła corispondente pajina de categoria.

  
  

  Sotocategorie

  Ogni categoria ła pol contegner sia voxe che altre categorie, dite sotocategorie, che łe vien elencae inte ła pajina de ła categoria, cofà łe voxe. In banda de ogni sotocategoria elencà xe segnà el numaro de sotocategorie che ła contien (C). Vien fora anca un segno [+], che'l parmete de esplorar co un click el contegnuo de ła sotocategoria diretamente inte ła pajina de ła categoria mare. Se ła sotocategoria no ła ga sotocategorie, el segno el deventa un [x] e no se pol clicarghe sora.

  Ła strutura a albaro

  Sicome che łe categorie łe xe tante ła senplise lista alfabetega (che se pol catarla in Speciale:Categorie) ła produxe un elenco cingestibiłe. Deventa cuindi oportun, ansi neçesario, categorixar anca łe categorie e 'l metodo par farlo el xe el 'steso de łe voxe de l'ençiclopedia (chełe de namespace 0).

  Vien fora cuindi na strutura a albaro, na xerarchia de categorie co:

  • un vertise: ła categoria Categorie
  • un primo livel costituìo da tre categorie: (Multimedia, Ençiclopedia, Comunidà)
  • a livełi drio man pì detałiai, i argomenti tratai, łe pajine de servisio, ecc.

  Ła strutura de łe categorie no ła risolve soło che na exigensa de organixasion de łe voxe, ma soratuto ła parmete de:

  • navegar inte l'ençiclopedia inisiando da na voxe cualsiasi, co un click inte ła categoria de apartenensa
  • sfojar l'ençiclopedia a partir da ła vacheta de primo livel o da un de i argomenti elencai inte ła pajina prinsipałe.

  Indicasion de łe categorie de apartenensa

  El standar de Wikipedia el el prevede na banda a sfondo ciaro al fondo de ogni pajina, che ła contien ła paroła Categoria: (o Categorie:), seguìa da l'indicasion de łe categorie uxae.

  • Exenpio standard, co na categoria ugnoła de apartenensa:
    Categoria: Ceze de Venesia
  • Exenpio standard, con pì de na categoria de apartenensa:
    Categorie: Pałasi de Padoa | Università

  Ła poxision ła pol esar difarente se 'l utente el ga inpostà cofà so prefarensa na interfacia grafega difarente da cheła predefinia.

  So come atribuir ła o łe categorie de apartenensa varda ła sotopajina de juto: /Categorixasion.

  Ła pajina de categoria

  Ła pajina de categoria ła xe na pajina speçiałe inpienà automategamente dal sistema (software MediaWiki). El titoło e na descrision (curta) del significà e del scopo de ła categoria i ga da esar creai preventivamente inte el namespace Categoria:.

  El sistema, pa ogni categoria definìa, el xenera cuindi na pajina co:

  • Intestasion (opsionałe, ma consejà): testo, imaxini, modełi evc. incluxi inte ła pajina
  • Sotocategorie (prima parte automatega): elenco de łe sotocategorie (se łe ghe xe), inte ła forma: [+] nome sotocategoria
    • Co un click so'l [+], el sistema el riprexenta ła pajina co łe eventuałi sotocategorie
    • Co un click su nome sotocategoria el sistema el prexenta na nova pajina co el detałio de ła sotocategoria
  • Voxe o pajine normałi (seconda parte automatega): elenco de łe pajine categorixae in cheła categoria
  • strisia de fondo pajina, co l'indicasion de ła o de łe categorie de apartenensa
  • a sanca vien fora, come al sołito, i interlink, se i xe stai mesi

  Strucando so canbia inte na pajina de categoria, se cata l'intesasion (se ła ghe xe), se no se cata soło che ła o łe categorie de apartenensa.

  Come entrar inte ła strutura de łe categorie

  Ghe xe modi difarenti pa' entrar inte ła strutura de łe categorie:

  • co un click inte na categoria de apartenensa de ła voxe 'ndove che se catemo
  • da ła pajina prinsipałe, strucando so uno de i argomenti elencai
  • dixitando inte el canpo de riserca: Categoria:nomecategoria
  • partindo da ła categoria inisiałe (Categoria:Categorie)

  Oviamente se otien el 'steso rexultà strucando so calsiasi altro link che'l ponte a na pajina de categoria.

  Inte na pajina de categoria ghemo diverse oportunità:

  • ndar pì in detałio se ghe xe sotocategorie
    • vardar 'l elenco de łe voxe contegnue inte ła sotocategoria strucandoghe in çima
    • vardar se existe altri livełi de detałio, co un click so (+)
  • Risałir 'l albaro de łe categorie, co un click so una de łe categorie elencae inte ła parte basa de ła pajina.

  Difarensa infrà categorie e liste

  Wikipedia ła conprende un seto numaro de liste de voxe, uxae cofà vachete o come elenchi. Ste liste łe xe a so 'olta "voxe" normałi, costruìe e modifegae a man, sensa 'l intervento de i automatismi che i caraterixa łe categorie. Łe ga el vantajo de poder elencar pajine che no łe existe gnancora, ma che łe podaria servir pa' conpletare un serto argomento. Gnente garantise che tute łe voxe existenti so chel argomento łe sia elencae.

  Xeneralmente xe preferibiłe crear na categoria pì che na lista, parché xe senpre difiçiłe mantegner na lista axornà man man che se xonta pajine a l'ençiclopedia.

  Categorie orfane

  Ogni categoria ła ga da esare contegnua inte n'altra, overo ła ga da far parte del albaro de łe categorie de Wikipedia.
  In caxo contrario ła vien definia categoria orfana.
  Dato che no łe fa parte del albaro de łe categorie, pa' identifegarle (e categorixarle) xe neçesario cosultar 'l elenco disponibiłe in sta pajina speçiałe.

  Ugnoła ecesion: ła categoria Categorie, vertise del albaro, ła xe l'ugnoła che, pur no esendo contegnua in nisun altra, par definision no ła vien considerà orfana.

  Categorie "de servisio" e "sconte"

  Serte categorie no łe ga ła funsion de ordenar i contenui ençiclopedisi ma de organixar el laoro: par exenpio tute łe voxe clasifegae cofà aboso o chełe ncora da tradure evc. łe xe ragrupae in apoxite categorie ciamae categorie de servisio. In sto modo se pol tegner d'ocio łe pajine che xe neçesario "starghe drio".

  Visto che ste "categorie de servisio" no łe rivarda i contenui, de sołito łe xe "sconte" overo łe se vede in fondo a ła pajina soło se se struca so [altre]. Pa' scondare na categoria deve esar xontà inte ła so pajina el parametro __HIDDENCAT__, che ła categorixa automategamente inte ła Categoria:Categorie sconte. Sta categorixasion ła xe parò inutiłe par catar fora ła categoria de servisio, parché no ła segue gnanca na xerarchia: xe cuindi neçesario categorixar ła categoria drento ła Categoria:Comunidà.

  El scopo el xe cheło de evitar che ste categorie de servisio łe vegna smisiae co chełe rełative a i contenui.

  Redirect de categorie

  Fare un redirect da ła categoria A a ła categoria B saria tenicamente posibiłe, ma in sta maniera łe pajine categorixae inte ła categoria A no łe vegnaria automategamente reindirisae a ła categoria B. Pa' sto modivo i redirect infrà categorie (conprexi i soft redirect) no i xe amesi.

  I modełi pa' łe categorie

  Ła lista de i modełi de avixo e de servisio pa' łe categorie ła se pol catere inJuto:Schema de i modełi/Categorie opur in Categoria:Modełi par łe categorie.

  Pajine corełae

  • Categoria:Categorie
  • Categoria:Da categorixare
  • Projeto:Categorie

  Strumenti

  • Elenco de łe pajine no categorixae (estrato da na copia del database)