Na vecia carta del Peloponeso, che i venexiani i ciamava Morea
Ła guera de Morea la xe sta conbatua tra el 1684 e el 1699 in Morea (el Peloponeso de ancó), nel Mar Egeo e in Dalmazia tra la Republica Veneta e l'Inpero Otoman. La xe sta la setima de le oto guere conbatue tra Venexia e i turchi, e la ga visto l'ultima espansion teritorial de la Republica Veneta, che a la fine de la guera, col Tratado de Karlowitz, la ga goadagnà la Morea e calche toco de la Dalmazia.
Nel 1683 xera s-ciopà na nova guera tra l'Austria e i otomani, e un grando esercito turco el ga messo l'asedio a Viena, ma el xe sta batùo da na Liga Santa tra polachi, austriaci e todeschi, i quali, comandà dal re de Polonia Jan Sobieski, i ga sconfito e fato scapar l'esercito asediante. Elora i venexiani i ga pensà de profitar de sto momento, in cui i otomani i era in crisi, par riconquistar i teritori de l'Egeo e de la Dalmazia persi ne le guere precedenti.
Chipilo ła xe na çità picenina che ła se cata a 12 km al Sud de ła çità de Puebla, in Mèsico. La xe a 2150 metri sora el nivèo del mar. El so nome ofixial el xe Chipilo de Francisco Javier Mina. El nome par quełi originari de Chipilo el xe chipilegni. Ła xe stà fondà el 2 de otobre de 1882 da imigranti vèneti provenienti de l'area pedemontana. Na majoransa i vien da Segusino (Trevixo).
Averténse: ƚa lengua vèneta nó ƚa ga gnancóra na grafía onefegà e un standard lenguistego e mìa tuti i xe bòni a scrívar inte una de ƚe tante che ghe xe. Nó xe inportante se chi che xe drío scrívar el scriva in belumat, bixiac, graixan, padoan, primieròt, rovigoto, trevixan, triestin, venesian, veronéxe o vixentin. Nó xe inportante gnanca se chi che scrive el va scrívar có na grafía difarente da ƚe altre. Se pol anca vardar ƚe convension de scritura, ƚe varie tipoƚoxie de scritura o anca el manual de la GVU par capirse tuti mèjo. Gnanca i asénti i xe obligatori, a men che nó ghe sía do paròƚe che ƚe canbia significà se nó ƚe ga 'l asénto. Có che calchidun scrivarà un articoƚo el podarà inserir el segnal che dixe a i altri in che variansa del vèneto 'l 'è scrito. Pa' exersitarte in Wikipedia va su ƚa Sandbox. Varda la pàjina Risorse utiƚi pa' un eƚenco de libri, disionari e siti che i pol jutarte a scrìvar in lengua vèneta.
Wikipedia
Wikipedia ƚa xe n'ensiclopedia online, coƚaboradiva e gratuita. Disponibiƚe in pì de 270 lengue, Wikipedia ƚa afronta sia i argomènti tipisi de ƚe ensiclopedie tradisionaƚi sia cuèƚi prexènti in almanachi, disionari giografisi e publicasion speciaƚistighe.
Wikipedia ƚa xe liberamènte editabiƚe: chiuncue pol canbiar ƚe voxe existenti o crearghine de nove. Ogni contenuo el xe publicà soto licensa Creative Commons CC-BY-SA e 'l pol pertanto esar copià e riutiƚixà adotando ƚa istesa licensa.
Come se trata, cusì se xe tratà. 
