John Harvey Kellogg

Da Wikipedia, l'ençiclopedia libara.
Infobox de personajo John Harvey Kellogg
John Harvey Kellogg ggbain.15047.jpg
SitadinansaStati Unii de l'Amèrica
Nasimento26 de febraro 1852, Tyrone Township
Morte14 disenbre 1943 Cànbia el vałor in Wikidata (91 ani) 14 disenbre 1943 Cànbia el vałor in Wikidata (91 ani) Cànbia el vałor in Wikidata
ZenitoriAnn Janette Stanley (mare)
John Preston Kellogg (pare)
SpozàElla Eaton Kellogg
Łéngue parlaeinglezo
Ocupasion
Educà a
  • Università di New York
  • Bellevue Hospital Center
  • New York University School of Medicine
  • Eastern Michigan University
Menbro deAmerican Association for the Advancement of Science (it) Traduzi Cànbia el vałor in Wikidata
RełijonChiesa cristiana avventista del settimo giorno (it) Traduzi Cànbia el vałor in Wikidata

Signature of John Harvey Kellogg.png Cànbia el vałor in Wikidata

Find a Grave: 569

John Harvey Kellogg (Tyron, 26 de febraro 1852Battle Creek, 1943) xe stà un mèdego statunitense.

Riformatore sanitàrio, fortemente ispirà da ła propria fede rełijoza, Kellogg el ghea laorà arente del Sanatòrio de Battle Creek (Michigan), fondà da Ellen G. White, profeta sia de ła Ceza cristiana avintista del sètimo dì sia dei Avintisti del sètimo dì del movimento de reforma. Kellogg el zera convinsesto che ła prinsipałe colpa de łe małatie ła fuse ła dieta co baze de carne[1]. Ze sta eło a sostegnere e difóndare inte i Stati Unii d'Amèrica dei ani vinti l'idea de ła nesesità de tornar a na dieta "totalmente naturałe" dal momento che, el sostegneva, "i nostri pì distanti avi i magnava solché magnari de orìzane vezetałe".[Fonte nesesària]

Ła motivasion par ła cuała Kellogg el ze universalmente recordà el ze l'èsare sta l'inventor dei Corn flakes inte el 1897, na riseta vezetariana che inte łe intension de l'autor ła ghea da dar tuti i nutrienti nesesari, i primi moderni sereałi da cołasion. El fradeło William, el ghea fondà ła Kellogg's e li ga tacà prodùzar a liveło industriałe.

Kellogg el zera anca un sostegnitore de l'idroterapia, ła so version de sta terapia ła ga vedesto, intrà el 1840 e el 1870, grando suceso, co sirca 200 sentri de cura verzesti in tuti i USA e tante publegasion scriveste discoréndoghe sora, cofà el The Water Cure Journal e The Hydropathic Review[2].

Biografia[canbia | canbia el còdaxe]

Infànsia[canbia | canbia el còdaxe]

Kellogg el nase el 26 de febraro 1852, in Tyron Township, na comunità rurałe inte l'interior de ła contea de Livingston, Michigan[3].

Inte el so primo ano de età, i so zenitori i se unise al ceza cristiana avintista del sètimo dì, desidendo de véndare ła fatoria e de trasferirse prima a Jackson, dopo inte el 1856[4] a Battle Creek, inte el Michigan, ła rocaforte de l'Avintismo mondiałe, andove i verze na fàbrega de scoe: a l'età de 4 ani el picenin John Harvey el preferise jutarghe a so pare inte ła fàbrega pì che zugar co i so coetànei[5].

Formasion culturałe[canbia | canbia el còdaxe]

El so percorso de formasion culturałe el ze sta racuanto anòmało. I zenitori, par via del so credo rełijozo, i pensa che far studiare i fiołi no servise, convinsesti de ła vegnesta imediada del Signor; jutar a so pare inte ła fàbrega zera pì inportante de ła so formasion scołastega[6]. Inte l'età de 9 ani el frecuenta poche stimane de scoła e ste cuà łe basta par far de eło un letor instufàbiłe[6]. Inpasiente de devegner autosufisente, a 11 ani John Harvey el dimanda a so pare de lavorare a tenpo pien cofà inpiegà inte l'interior de ła fabrega, resevendo un stipéndio fiso de 2 dòłari al dì, par poder pagar magnare e ałojo[7]. Dopo manco de un ano parò, el dasa ła fabrega[8]. In sto periodo, James Springer White, lìder de ła Ceza Avintista, el taca a insegnar l'atività de stanpa. Poco dopo el taca lavorar prima cofà garzon, dopo cofà adito a ła netesa e solché dopo cofà tipògrafo e coretore de spigasi inte el cuotidian sitadin Review and Herald. Par cuatro ani Kellogg el resta aprendista inte ła caza editora avintista[8]. Ellen G. White, mojere de J. White, profetesa reconosesta de ła ceza, ła taca publegare artìcułi so ła reforma sanitària, che i finise par monopołizar łe pàzene del cuotidian[8]. Gràsie a sti cuà John Harvey el taca portar vanti łe prime reforme ałimentàrie, consentràndose so remedi naturałi, medezina previntiva e vezetarismo[9].

Formasion mèdega[canbia | canbia el còdaxe]

Pochi ani dopo, i White, vedendo in eło granda enerzia, un zènio par l'organizasion, na mente sgaja e curioza, i deside de mandarlo inte ła scoła mèdega. El taca par un ano a ła University of Michigan Medical School[10] dopo el se trasferise a ła Bellevue Hospital Medical College, scoła pì vanti reconosesta cofà scoła de medezina lìder inte ła nasion, andove el se làurea in medezina inte el 1875. Inte ła teze de làurea, dal tìtoło "Cosa zeła ła małatia?"[11], el proa demostrar che ła major parte de łe małatie, pì che èsare considerae cofà un nemigo, łe ga da èsare pensae cofà avertimenti ùtiłi del corpo, par tentare de corèzare in tenpo na calsìase funsion naturałe che ła ze devegnesta scuiłibrada[12]. El sèvita ła formasion in Eoropa dal 1883 al 1911. El tołe lesion da Edward Hitchcock, docente de chìmega a l'Università de Amherst[13]; dal profesor Musey, dozente a l'Università de Dartmouh[13]; dal profesor Alcot; dal reformatore Sylverster Graham[14]. El stùdia in sto modo i vantaji de l'idroterapia, oltre che łe controindicasion del dòparo del e de ła carne.

Mèdego e scritore[canbia | canbia el còdaxe]

Inte el 1873, oncora scołaro, Kellogg el devien asistente cao de ła redasion, Advintist Health Reformer, de James White. L'ano drioman el vien tolto-sù cofà redatore, incargo che el ga mantegnesto par el resto de ła so vita. Kellogg el taca na cariera cofà scritore, oparàndose par ła propaganda de ła sałute. Inte el 1874 el pùblega un libro de cuzina e de na sana dieta par l'omo, publegà inte el 1877, Plain Facts about Sexual Life (senpleghi fati so ła vita sesuałe) el ze sta il primo testo andove el parla diretamente el tema del seso, vendendo pì de un miłion e mezo de còpie. Calche an dopo, Kellogg, senpre sospetozo de ła dòpara dei fàrmaghi tradisionałi, el sviłupa ła so teoria de idroterapia cofà na forma superior de cure mèdeghe. Inte el 1901 dl pùblega Rational Hidroterapy, divegnesto dopo un testo stàndar inte el canpo de ła medezina par vari dezeni. In tuto, Kellogg el ga scrivesto pì de 50 libri e inumarévołi artìcułi[9].

Sanatòrio de Battle Creek[canbia | canbia el còdaxe]

Dopo el làurea, Kellogg el torna a Battle Creek e inte el 1876, a 24 ani, divien el mèdego responsàbiłe del Western Health Reform Institute, che ła còpia White e ła ceza avintista i ghea fondà inte el 1866, so ła baze de ła reforma sanitària de Ellen White[15]. Inte el corso de ła so cariera, el fa sirca 22.000 oparasion, el introduze inportanti mètodi antishock e ezercizi par prevegnere łe conpleganse post-oparatòrie e el riva a un record de 165 intervinti chirùrzeghi adomenałi sensa mai fałir[9]. Kellogg el resta inte l'istituto pa 67 ani, renomenàndoło col nome de Battle Creek Sanitarium (o Sanatòrio). Al tèrmeno "Sanitarium Kellogg" el ghe dà un novo signifegà : un logo andove łe persone łe inpara star ben (Schwartz 1970). Cavando ła carne da ła sała da disnar del Sanatòrio, eło el sviłupa par tanto i primi anàłoghi de ła carne americana (carne sensa carne). Battle Creek Sanitarium el devien ła meca dei sercatori de sałute, un sentro sociałe. El sanatòrio el zera fondà so prinsipi de ła Ceza cristiana avintista del sètimo dì intrà i cuali ghe ze el respeto rìzido de na dieta vezetariana. I menbri de sto grupo i sperimenta tanti vari sereałi, intrà i cuałi el gran, rizo, avena e màis. Inte el 1894 el dotor John Harvey Kellogg el ga escludesto da ła dieta alcòleghi, tabaco e cafeina. La dieta che el inponeva ła zera fata da magnari desaorii: el zera de fato un sostegnitor de l'astinensa sesuałe e el ghe ndava drio i preceti de Sylvester Graham che el pensava che i magnari dolsi o picanti i podese ełevar łe pasion, finmente pensar che i corn flakes i garia gavesto un efeto anti-afrodizìago.

El maridauro[canbia | canbia el còdaxe]

Inte el 1879 Kellogg el marida Ella Eaton[16], de Alfred Center, New York. Credendo che el seso el portase małatie, soratuto inte i òmani, Kellogg el ze determinà a vivar na vita simiłar a cheła de un puto. De fato, no-ostante i fuse maridai no i ormia insieme, no i ghea fiołi de so nadura, 42 putełi adotaii[17].

Scriti prinsipali e reviste[canbia | canbia el còdaxe]

intrà i so scriti pì inportanti:

  • Senpleghi Fati so ła Vita Sesuale[18]
  • Le nozełe łe podaria salvare l'umanità[19]
  • Règołe par i jutanti[20]

La revista pì tanto conosesta ła zera: Bona salute.[19]

El so cavało de bataja el zera Matusaleme.[21]

Citasion e omaji[canbia | canbia el còdaxe]

Inte el 1993 T. Coraghessan Boyle el ga scrito Morti de salute, un romanzo anbientà inte el sanatòrio de Batle Creek, da cual dopo ze sta fato el film omònemo.

Notasion[canbia | canbia el còdaxe]

  1. Carlo Cannella, Giovanni Carrada, I miti dell'alimentazione, Milano, Tascabili degli Editori Associati, 1999, p. 76, ISBN.
  2. Wallace Sampson, A guide to alternative medicine, London, Gordon and Breech, 2000, pag., ISBN.
  3. John Harvey Kellogg Facts
  4. Ferrara, op. cit., p. 16.
  5. Ferrara, op. cit., p. 16.
  6. 6,0 6,1 Ferara, op. cit., p. 17.
  7. Ferara, op. cit., p. 18.
  8. 8,0 8,1 8,2 Ferara, op. cit., p. 19.
  9. 9,0 9,1 9,2 [htp://biography.yourdictionary.com/john-harvey-Kellogg John Harvey Kellogg Facts]
  10. [htp://www.soyinfozenter.com/HSS/john_Kellogg_and_batle_creek_foods.php Dr. John Harvey Kellogg and Batle Creek Foods]
  11. Ferara, op. cit., p. 30.
  12. Dr. John Harvey Kellogg and Battle Creek Foods
  13. 13,0 13,1 Ferara, op. cit., p. 20.
  14. Ferara, op. cit., p. 21.
  15. http://www.soyinfocenter.com/HSS/john_kellogg_and_battle_creek_foods.php
  16. John Harvey Kellogg Facts
  17. John Harvey Kellogg Facts
  18. Ferara, op. cit., p. 61.
  19. 19,0 19,1 Ferara, op. cit., p. 60.
  20. Ferara, op. cit., p. 83.
  21. Ferara, op. cit., p. 56.

Bibliografia[canbia | canbia el còdaxe]

  • Silvestro Ferara, La raiza de un granda albero:Jhon Harvey Kellogg. Mai dire mais, Bevivino.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN57418490 · ISNI (EN0000 0000 8343 906X · LCCN (ENn50060957 · GND (DE119140233 · BNF (FRcb162617629 (data) · BAV ADV10007353 · NDL (ENJA00514237 · WorldCat Identities (ENn50-060957
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=John_Harvey_Kellogg&oldid=1060795"