I quattro libri dell'architettura

Da Wikipedia, l'ençiclopedia libara.
Infotaula de llibreI quattro libri dell'architettura
Palladio Titel 1642.jpg
Cànbia el vałor in Wikidata
Sorteòpara literària Cànbia el vałor in Wikidata
Scheda
AutorAndrea Paładio
Łénguaitałian
IłustradorAndrea Paładio Cànbia el vałor in Wikidata
PublegasionItàlia Cànbia el vałor in Wikidata, Eror Lua: callParserFunction: function " [[Categoria" was not found.
EditorDomenico De Franceschi (it) Traduzi Cànbia el vałor in Wikidata
Dati e sifre
TemaArchitetura Cànbia el vałor in Wikidata
Zènarotratato architetura
Personaji

I quattro libri dell'architettura (I cuatro łibri de ł'architetura) el ze on tratato in cuatro vołumi de l'architeto rinasimentałe Andrea Paładio (1508-1580), che ga influensà el stiłe dito «paładianèxemo». Secondo Howard Burns ili raprezenta «ła pì presioza publigasion iłustrà de architura che se ga avesto in chel momento»[1].

Viła Pixani Bagnoło ne I quattro libri dell'architettura (łibro II)

Paładio ga scomisià a scrivare el tratato cuando el gaveva soło 22 ani e dopo el ga zontà altre robe. Ła prima edision de I quattro libri dell'architettura ła ze vegnesta a ła łuze a Venesia in tel 1570. Ze sta fato altre varie edision e co zontasion de modifeghe, anca tradusion in franseze, ołandeze e ingleze. Rento sto testo ze presente iłustrasion par dimostrar el pensiero del Paładio presopoco ła puresa e senpłeghetà de l'architetura clasega dezegnà de łe so man.

El łibro el ga avesto beła fegura par ghente el ga invojà l'òpara de on gran numaro de architeti fin a tuto el XIX secoło. Ł'architetura paładiana ga ciapà popołarità in tuta Eoropa e, verso el fin del XVIII secoło, ze sta conosesta anca in Mèrica del Nord divegnendo ła pì inportante publegasion de architetura mai produa e determinando gran parte de l'imazene architetonega de ła civiltà osidentałe.

Descrision[canbia | canbia el còdaxe]

Contenuo de I Quattro libri[canbia | canbia el còdaxe]

El trastato el ze sudiviso in cuatro łibri che iłusta argominti difarènti:

  • Primo łibro: dedicà a l'amigo Jacomo Angarano, iłustra ła sełesion dei materiai, łe tènighe de costusion, łe forme dei òrdeni de architetura tipo tuscanego, durego, corinsio e conposito in tute łe so parte (baxamenti, cołone, architravi, arcà, capitei, trabeasioni), iłusta inte na serie de tołe e in ultima altri ełementi de costusion (granari a volta, pavimènti, porte e finestre, camini, cuerture e scałe).
  • Secondo łibro: el porta na serie de projèti de architetura de Andrea Paładio, tra sti chi 9 pałasi de siuri de sità, 22 viłe de siuri (tra ste chi 13 conpletà secondo el projèto, 5 reałizà in parte e cuato no finie) e anca na serie de projèti paładiani de costusion no reałizà. Łe rafigurasion de łe tołe serte volte łe se distaca dal fabricato costuio parchè la ze na conseguensa de ideałixasion e adatamento del łenguajo mauro del mestro.
  • Terso łibro: el ze dedicà a Emanuele Filiberto de Savoja, el descrive ła maniera de fare łe strade drite de sałizo, i ponti de łegno e piera co numarosi projèti paładiani, łe piase antighe reałizà dai greghi e łatini e par ultima łe bazełeghe tra ste chi cueła progetà da Vitruvio a Fano e l'inportante Bazełega Paładiana de Vicensa.
  • Cuarto łibro: el contien i riłievi de 26 costusion romane antighe tra ste chi 18 tenpli, a pianta bislonga de fori replublegani de l'antiga Roma, Napołi, Społeto, Asizi, Poła e Nimes, na bazełega romana a pianta bislonga, 7 tenpli a pianta sentrałe de Roma e bande visin.

In tei Quattro libri ze indicà de łe regołe par costuire e ezenpi de projèti, roba che inte cuel tenpo no i costumava. Invese de modèi da copiare, łe tipiłozie de architetura łe ciapa espesion de schemi de conbinasion par fare tante variasion. El tipego stiłe de viła paładiana se baza so l'aplicasion de detài a on sistema struturałe costituio in łaterisio, in piera e in łegno. Paładio ga presentà do regołe da oservare inte łe costusion: regołe de projètasion bazà so l'imazene e regołe par fabricàre bazà so ła łoxega de costusion de ła viła.

Thomas Jefferson, presidénte dei Stati Unii de ła Mèrica el ze on de pì convinti amiraduri de Paładio, na volta el ga parłà de sto testo definendoło "ła Bibia de l'architetura"[2]. Jefferson el gaveva sincue deferenti edision del testo e ga fato projètare ła so rezidensa de Monticello in stiłe neopaładian.

Tradusion[canbia | canbia el còdaxe]

  • in francexe, 1650, Les Livres d'architecture, trad. Roland Fréart de Chambray, editor Edme Martin, Parixe
  • in inglese, 1715, The Architecture of A. Palladio, tradusion de Giacomo Leoni, prima edision publegà a Łondra
  • in ruso, 1798, Russky Pallady, traduzione di Nikolaj Lvov; 1938, Ivan Zholtovsky.

Notasion[canbia | canbia el còdaxe]

  1. Palladio - Centro Internazionale di Studi di Architettura Andrea Palladio :::cisapalladio.org. entrada il 1º marzo 2011 (archivià dal URL orizenałe il 29 ottobre 2011).
  2. Palladio - Centro Internazionale di Studi di Architettura Andrea Palladio :::cisapalladio.org. entrada il 1º marzo 2011 (archivià dal URL orizenałe il 30 maggio 2013).

Bibliografia[canbia | canbia el còdaxe]

  • (IT) Andrea Palladio, I quattro libri di architettura, a cura di Claudio Pierini, (edizione con note iconografiche e storico-critiche), Verona, Cierre Grafica, 2014, ISBN 9788-898-768-042.
  • (IT) I quattro libri di architettura, Paola Marini, Licisco Magagnato, Milano, Il Polifilo, 1980.
  • (IT) I quattro libri di architettura, (copia anastàtega prima edizione Venezia 1570), Milano, Hoepli, 1990.

Altri projèti[canbia | canbia el còdaxe]

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=I_quattro_libri_dell%27architettura&oldid=1095959"