Guitar Pro

Da Wikipedia, l'ençiclopedia libara.
Crystal Clear app winprops bw.pngGuitar Pro
File:Guitar Pro.png
Version de scumìsio
Version stàbiłe
7 Cànbia el vałor in Wikidata
Version beta (prèvia)
LicensaPropietario/Shareware
Personaji
Tipoprogramma notazionale (it) Traduzi Cànbia el vałor in Wikidata
Disponìbiłe in
itałian
Caratarìsteghe tècneghe
Sistema operativoWindows, Mac OS X
Piataforma
Scrivesto inC++ Cànbia el vałor in Wikidata
Forma file de letura
Forma file de scritura
Biblioteca
d'interfasa gràfega
Qt Cànbia el vałor in Wikidata

Guitar Pro xe ‘na aplicasion informadega par ła conpoxision muxicałe e l'editing de partidure, in partegołar modo par chitara o altri strumenti a corde. Ła parmete ła modìfega de ‘na partidura mediante un'intaoładura, opur mediante ła notasion muxicałe stàndar so pentagrama; inaxonta ła ofre ła posibiłità de exeguir łe partidure scrite e dà diverse opsion che pol èsar utiłe al studio. Ła pol èsar uxada anca cofà sequencer MIDI.

Storia[canbia | canbia el còdaxe]

Ghe xe stàe tre version inportanti del software: 3, 4 e 5. Xe stàe reze disponìbiłi alcune version minori co’ bug rizolti e picołe caraterìsteghe zontàe, inte’l intarvało tra łe tre version prinsipałi. Guitar Pro xe stà inisialmente programà cofà editor de intaoładure, ma daspuò el se ga evołùo in un potente strumento de scritura muxicałe multi-strumento. Fin a ła version 4 el software el zera solchè disponìbiłe par Microsoft Windows. Ła version 5, publicada inte’l novenbre 2005, xe stà projetà par èsar multi-piataforma. Drìoman (łujo 2006) xe stà publicà Guitar Pro 5 anca par macOS. El 5 avrìl 2010 xe usìa ła version 6, da ła veste gràfega redexegnada par intièro e alcune caraterìsteghe in pì, oltra al mejoramento del RSE (Realistic Sound Engine), che xe za prezente inte ła presedente version, drìoman infìn A xe stà zontà el suporto a Linux.

Guitar Pro 6[canbia | canbia el còdaxe]

Sta version prexenta i mejoramenti drìoman:

  • ‘Na nova intarfasa gràfega, pì gradevołe e intuitiva
  • ‘Na modałità a tuto schermo
  • Posibiłità de utiłizar fin a cuatro voze distinte in una ùgnoła trasa
  • Vizuałizasion in verticałe e orizontałe
  • Se pol regołar ła łonghésa de ła batùa strasinando co’l sorze (mouse)
  • El novo RSE2 (Realistic Sound Engine)
  • Posibiłità de sernìr l’anplificador, de regołar i efeti, ła distorsion, ...

Guitar Pro 7[canbia | canbia el còdaxe]

Inte’l 2017 Arobas Music ga rełasà l'ùltema version del software, Guitar Pro 7.

Detałi[canbia | canbia el còdaxe]

El software el parmete de uzar racuanti strumenti che segue ła notasion muxicałe stàndar, ma anca soto forma de intaoładura. Inazonta, el consente de aver ła vizuałe detałiada dei strumenti a corda (chitara, baso ełetrico, banjo...) e łe tastiere co A se conpone ła canson e co ła se scolta. Inazonta, el parmete de inpostar anteprime in tenpo reałe par łe note sonàe a un tenpo spesifegà. El dà ła posibiłità de mudar determinai brani e fornise el contròło dinamego del vołume, del stiłe de espresion e di altri aspeti de ogni pista. Da ła version 4 in avanti xe incluza ‘na tastiera che parmete ai pianisti de xontar ła so parte a ‘na conpozision.

I output de Guitar Pro i sona par mezo de łibrarìe MIDI e/o, a partir da ła version 5, el "Realistic Sound Engine" (RSE) che uza i canpioni registrai in alta cuałità par un playback pì reałìstego. Uzando łe anteprime in tenpo reałe, i muxsicisti pol sonar co’ ła canson seguindo l’intaoładura.

I file de conpoxision de Guitar Pro xe rejistrai inte’ i formadi GP5, GP4 e GP3 e inte ła version 6 in formado GPX, tałi file i xe disponìbiłi a gratis in vari siti, includendo canson de ogni zènere; tutavia a cauza de ła viołasion del copyright ła Music Publisher's Association (MPA) ła ga serà i suditi siti.

Uxi[canbia | canbia el còdaxe]

Guitar Pro xe un software consepìo par aidar i muxicisti e i debutanti a conponer, trascriver, publegar e studiar ła mùxega. Inaxonta el aida ła conpartesipasion de łe conpoxision infra i grupi de persone ed altri muxicisti. Guitar pro 5 xe infinaménte adatà par el studio e ła conpoxizion de mùxega clàsega. Fin a ła version 4 no gera posìbiłe dimèter łe intaoładure dal schermo, procurando ‘na picoła confuxion ai muxicisti claseghi par cui i segni stàndar de ła notasion no i podeva èser trascriti in intaoładure. Sta łimitasion xe stà cavà a partir da ła version 5 e da tanti mejoramenti a cuałità stàndar de l'intaoładura e de ła notasion introduxesta.

Alternadive open source[canbia | canbia el còdaxe]

Resentemente xe stà programà de łe aplicasion open source capasi de inportar e reconoser łe estension uxàe da Guitar Pro.

  • TuxGuitar: funsiona so Windows, Linux, Mac OS X
  • Kguitar: funsiona so Linux
  • Dguitar: funsiona so ogni piataforma (Java)

Cołegamenti esterni[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Guitar_Pro&oldid=1096276"