Google Assistant
 Google Assistant | |
.jpg){kind=tracking} | |
| comerciałe | Sì |
|---|---|
| tipo | Servisio de asistente virtuale |
| lengua | Multiłengoa (co IFTTT se połe inpostarghe comandi in Veneto) |
| registrasion | gratis |
| proprietario | Google LLC |
| autore | Google LLC |
| url | https://assistant.google.com |
Google Assistant el l'è on asistente virtual xvilupà da Google LLC e lansà al Google I/O 2016. A difarensa de Google Now, l'Asistente Google pole far conversasion co l'uxuario.
L'asistente el ga fato el so debuto co na funsion de l'app mesajistega Allo e in Google Home, on altoparlante ativà vocalmente. Dopo on primo periodo andove el jera disponibile solo so i smartphone Pixel e Pixel XL (telefonini de Google), el ga scumisià a esar disponibile anca su i dispoxidivi Android, e anca soi Smartwatch Android Wear, n'tel febraro 2017 e a majo so iOS.
El suporto a l'asistente l'è sta xlargà a pì dispoxidivi, tra sti cuà anca automobili e dispoxidivi par la domotica. Le funsionalità le pole esar integrae da xvilupadori de terse parti. Prima el jera disponibile solo n'tei paexi a lenga inglexe, e pian pian l'è sta disponibile in tuti chei altri, rivando in Italia e cuindi anca en Veneto el 1 de novenbre del 2017.
L'uxuario interajise co l'asistente prinçipamente co comandi vocali (par ciamare l'asistente basta dirghe "Ok Google"), ma xé anca posibile co input tramite tastiera o sui telefoni, schiciado sora l'app. Come Google Now, l'asistente el pole far riçerche so internet, programare eventi e xveje, regolar inpostasion hardware del dispoxitivo, inpisare o stuare altri dispoxidivi smart colegai. Xé posibile identifegare mestieri co la fotocamara del dispoxidivo, e prosimamente anca cronpare prodoti e inviar schei.
