Golfo de Trieste
| Golfo de Trieste | |
 | |
| Parte de | Golfo de Venesia |
|---|---|
| Coordinae | 45°40′N 13°35′E / 45.666667°N 13.583333°E |
| Xiografia fìxega | |
| Superfise | 550km² |
| Fondità màsima | 37m |
| Fondità mexana | 16 m |
| Vołume | 9 500km³ |
| Idrografia | |
| Sałinità | 35 ‰[1] |
| Sałinità mexana | 37,5 ‰ |
| Całanche | Baja de Pansan, Baja de Muja, Baja de Caodistria, Golfo de Piran |
| Stati | ITA SLO CRO |
El golfo de Trieste el xe na całanca del Mar Adriatico, conprexa intra l'ixoła de Grao (Itałia) e Ponta Salvore (Croasia), arente de Piran (Slovenia).
Giografia fixega[canbia | canbia el còdaxe]
El golfo se slonga par sirca 550 km² co' fondità media de 16 m e masima de sirca 37 m, che raxonxe dae bande de Piran. L'inbocaùra xe granda 21 km. La costa ga fondałi basi e sabiosi 'ntel trato osidentałe, caraterixà da ła presenxa de numeroxe tresse, mentre el resto deła riva, dai sbòchi del Timavo fin in avanti, xe in prevałensa erto èrto e rocioxo in cuanto el se cata a ridoso de l'altopian del Carso. 'Ntel tòco itałia sbòca i fiumi Isonso e Timavo, in queło sloven i fiumi Risano e Dragogna, sto ultimo al confin co'ea Croasia.
El golfo de Trieste xe 'l golfo più setentrional del mondo indove ghe xe un clima de tipo mediteraneo.
Giografia umana[canbia | canbia el còdaxe]
Ła sità de Trieste se cata neła parte più interna e orientałe, i altri sentri urbani riłevanti che se afassa sul Golfo xe Monfalcon, Duino e Muja in Itałia, Caodistria, Isoła d'Istria e Piran in Slovenia.
Sul Golfo se afasa anca le riserve naturałi regionałi deła Vałe Cravanata, del sbòco de l'Isonso e dełe Fałesie de Duino nonchè la Riserva naturałe de Miramar in Itałia, la riserva natural de Strugnano, le aree marine protete de Punta Madonna e Punta Grossa e 'l parco natural dełe sałine de Sicciole in Slovenia.
Note[canbia | canbia el còdaxe]
- ↑ in istà
Varda anca[canbia | canbia el còdaxe]
Altri projeti[canbia | canbia el còdaxe]
Wikimedia Commons el detien imàjini o altri file so Golfo de Trieste
| Controło de autorità | VIAF (EN) 234759960 · GND (DE) 4403518-4 · WorldCat Identities (EN) 234759960 |
|---|