Giotto

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Statua de Giotto

Giotto da Bondon, fursi inte ła diminusion de Anbrojo o Angioło, conosùo semplisemente come Giotto (Vespinjan, 1267 insirca - Firense 8 zenaro 1337), el ze stà un pitor e architeto tałian.

I primi ani de'l pitor i ze stài ojeto de credense cuazi łejendarie fin da cuando che łu el jera in vita. Giorgio Vasari el ne conta de come che Giotto el fuse bon de dizenjar na parfeta sirconfarensa sensa doparar el conpaso, ła conosùa O de Giotto. Altretant łejendario el ze el fato de un scherso che Giotto el ga fato a Cimabue intant che'l jera drio inpiturir so na toła un moscato: ła sarìa stada cusì reałe che Cimabue che'l jera drio tornar łaoar so ła toła el gavarìe sercà de schisarla.

El primo capołaoro fiorentin el ze el grando crosefiso de Santa Maria Noveła, el ze sità come òpara giotesca inte na carta de l'ano 1312.

Ła documentasion rełativa a ła costrusion e consagrasion de ła capeła de i Scrovenji a Padoa, afrescada pa l'intiero da Giotto, ła parmete de stabiłir co na sertesa che Giotto el fuse a Padoa inte i ani 1303-1305.

Giotto el ze morto l'8 de zenaro de l'ano 1337 e el ze stà sepełìo in Santa Reparata co na serimonia sołene a cargo de'l Comun.